![Açiq mənbələrdən foto.](https://turan.az/resized/media/2021/main/061000034103-750-500-resize.webp)
Açiq mənbələrdən foto.
Qanda antitelin olmaması vaksinasiyanın effektinin olmaması demək deyil
Bakı/10.06.21/Turan: Çin istehsalı olan CoronaVac ilə vaksinasiya bəzi vətəndaşlarda suallar yaradır. İkinci inyeksiyadan bir aydan çox vaxt keçməsinə baxmayaraq, əhalinin bir hissəsində qanda antitel aşkarlanmır.
Onlardan biri jurnalist Nailə Balayevadır. O, iki dəfə CoronaVac ilə peyvənd olunub, lakin ilk inyeksiyadan 40 gün sonra qan testi orqanizmi koronavirusdan qoruyan antitel aşkar etməyib.
Lakin müsbət təsirin olmamasına baxmayaraq, Balayeva başqa istehsalçının preparatı ilə bir daha peyvənd oluna bilməz, çünki onun adı bu prosedurdan keçənlərin məlumat bazasına daxil olub. Növbəti dəfə yalnız ilk prosedurdan yarım il sonra peyvənd oluna bilər.
Tibbi Ərazi Bölmələrini İdarəetmə Birliyinin mətbuat xidmətində vətəndaşların şikayətlərini şərh edərkən Turan-a bildiriblər ki, təsvir edilən hadisə CoronaVac vaksininin effektiv olmamasının göstəricisi deyil.
"Elmi araşdırmalara görə, CoronoVac vaksini 83,5 faiz effektivliyə malikdir, bu preparatın ölüm və fəsadlara qarşı etibarlılığı isə 100 faizdir. Peyvənd olunmuş 2 milyon adamın nəticələrinin göstəriciləri belədir.
İmmunqlobulinin formalaşması fərdidir. Qanda antitelin olmaması göstəricilərinə baxmayaraq, bu, peyvənd olunmuş insanın orqanizminin hüceyrə səviyyəsində mütləq mövcuddur. İmmunitet hüceyrədə yaranır. Ancaq laboratoriya üsulları hüceyrə səviyyəsində prosesləri aşkar edə bilməz", - TƏBİB-də bildiriblər.
CoronaVac görünən nəticə göstərmədiyi halda, təkrar peyvəndlənmənin qadağa edilməsinin səbəbi barədə sualın cavabında TƏBİB-də deyiblər ki, həkimlər ilk inyeksiyadan 6 ay keçmədən orqanizmə müxtəlif vaksinlərin daxil edilməsini məsləhət görmürlər. Bu, həmçinin vaksinlərin müxtəlif özəlliyinə bağlıdır. Məlum oduğu kimi, CoronaVac effektiv olmayan viruslardan yaradılır ki, bu da həmin preparatı Azərbaycana gətirilmiş digər preparatlardan fərqləndirir.
Azərbaycanda koronavirusa qarşı vaksinasiyaya 18 yanvar 2021-ci ildə başlanılıb.
Hazırda Azərbaycanda CoronaVac, AstraZeneka, Sputnik-V, Pfizer preparatları ilə peyvənd olunmaq mümkündür.
İyunun 9-na olan məlumata görə, vaksinasiyanın başladığı vaxtdan beş ay ərzində Azərbaycanda (real əhali sayı təxminən 7 milyon) 950 minə yaxın adam tam peyvənd olunub. Real əhali sayı 9 milyon olan İsraildə 5,5 milyon adam tam peyvənd olunub.—0—
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz