Ötən həftənin şənbə və bazar günləri (sentyabrın 29-u və 30-da) respublikanın avtomobil yollarında 14 yol-nəqliyyat hadisəsi nəticəsində 20 nəfər ölüb, 14 nəfər xəsarət alıb.
Daxili İşlər Nazirliyinin mətbuat xidmətinin məlumatlarına görə, yol-nəqliyyat hadisələri nəticəsində ölənlərin əksəriyyəti piyadalardır.
Son iki günün ağır qəzaları isə aşağıdakılardır.
Belə ki, sentyabrın 30-da Gəncə şəhəri ərazisində, müəyyən edilməmiş avtomaşınla yolu keçən şəhər sakinləri Urux Əsgərova, Vəfa Vəliyeva və onun qızı Xatın vurulub. Nəticədə hər 3 piyada hadisə yerində ölüb.
Sentyabrın 29-da isə Füzuli rayonu ərazisində, Sərdar Quliyevin idarə etdiyi “VAZ-21074” markalı və Habil Məmmədovun idarə etdiyi “Skoda” markalı avtomaşınlar toqquşub. Nəticədə hər 2 sürücü və S.Quliyevin sərnişini Alik İsmayılov, habelə H.Məmmədovun sərnişinlərindən Tünzalə Məmmədova, Şövkət İsmayılova, Murad Əliyev hadisə yerində ölüb. -03D-
Cəmiyyət
-
Hava şəraitinin kəskin pisləşməsi, küləyin güclənməsi ilə əlaqədar SOCAR Dövlət Neft Şirkətinin "Azneft" İstehsalat Birliyi sahələrində təhlükəsizlik tədbirləri artırılıb.
-
Yeni il gecəsinin sakitliyində, atəşfəşanlıqlar Zaqatalanın səmasını işıqlandırarkən, daha qaranlıq bir mənzərə baş verirdi. Şəhər kənarındakı Danaçı poliqonunda toplaşan təxminən 15 sahibsiz it naməlum şəxslər tərəfindən güllələnmişdi. Hadisə atəşfəşanlıqların yaratdığı səs-küy ilə üst-üstə düşərək, bu dəhşətli aktın səhərə qədər fərq edilməməsinə səbəb oldu.
-
“Azərbaycan Dəmir Yolları” QSC (ADY) yanvarın 3-dən Bakı–Balakən–Bakı marşrutu üzrə sərnişin daşımalarının bərpa olunduğunu elan edib. İlk reyslərdə oturacaqların doluluq səviyyəsi 90%-dən çox olub ki, bu da xidmətə yüksək tələbatın olduğunu göstərir.
-
Azərbaycanın Milli Hidrometeorologiya Xidməti yanvarın 6-na olan hava proqnozunu açıqlayıb. Proqnoza görə, Bakıda və Abşeron yarımadasında dəyişkən buludlu və arabir yağışlı hava şəraiti gözlənilir.
Rəy yaz