Bakı/05.04.19/Turan: Ombudsman Aparatının Milli Preventiv Qrupu (MPQ) aprelin 5-də Daxili İşlər Nazirliyinin İnzibati həbs olunanların saxlanma məntəqəsinə (İHOSM) baxış həyata keçirib. Bu barədə qrupun yaydığı açıqlamada deyilir.
Açıqlamaya görə, MPQ üzvləri tərəfindən rəftar məsələlərinin araşdırılması ilə bağlı burada saxlanılan bir sıra şəxslər, o cümlədən Bayram Məmmədov da qəbul edilərək konfidensial qaydada dinlənilib.
Açıqlamada deyilir ki, hüquqlarının təmin olunma vəziyyəti, qaldırdıqları məsələlər, sənədləşmə araşdırılıb, habelə onların bir sıra müraciətləri yerində təmin edilib.
Başçəkmənin yekunları ilə əlaqədar aidiyyəti dövlət qurumlarına müraciət olunub.
Xatırladaq ki, B.Məmmədov 2016-cı il mayın 10-da saxalnılıb. Rəsmi olaraq külli mqidarda narkotuk vasitələrin qanunsuz dövriyyəsində ittiham olunaraq digər siyasi fəal Qiyas İbrahimli ilə birgə 10 il müddətinə azadlıqdan məhrum ediliblər.
Məhkəmədə hər iki siyasi fəal ittihamı qəbul etməyərək Heydər Əliyevin heykəlinin üzərinə "Qul bayramınız mübarək" şüarı yazdıqlarına görə həbs olunduqlarını bildiriblər.
2019-cu il martın 16-da əfv fərmanı ilə azadlığa buraxılıblar.
Azadlığa çıxdıqdan sonra B.Məmmədov bir neçə dəfə Sabunçu Rayon Polis İdarəsinə aparılıb və martın 29-da Sabunçu rayon məhkəməsinin qərarı ilə İnzibati Xətalar Məcəlləsinin 535-1-ci (polisin qanuni əmrinə tabe olmamaq) maddəsilə təqsirli bilinərək 30 sutka inzibati cəza verilib.
Aprelin 1-də Apellyasiya Məhkəməsində onun şikayətinə baxılıb, B.Məmmədov ona verilən işgəncələr barədə danışıb, aprelin 2-də vəkili Elçin Sadıqov işgəncələrlə bağlı baş prokurora, daxili işlər nazirinə və s. şikayətlər ünvanlayıb. --0--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz