Oqtay Gülalıyev: �Hakimiyyət cəmiyyətin fəallaşacağından qorxur�
Bakı/04.07.19/Turan: Repressiyalar və İşgəncələr Əleyhinə Komitənin koordinatoru Oqtay Gülalıyev "Amerikanın səsi"nə müsahibəsində "Həmrəylik marafonu"nun məqsədlərindən və hüquq- mühafizə orqanlarının müdaxiləsindən danışıb.
"Həmrəylik marafonu"nda lazımi məbləğ toplandımı? Bu sualın cavabında O.Gülalıyev deyib ki, marafon cəmi bir saat davam etdi və polisin müdaxiləsi ilə dayandırıldı. Amma hazırda fərdi şəkildə davam etdirilir.
Vəsait etiraz aksiyası iştirakçılarının cərimələrinin ödənilməsi üçün toplanır. Lazım olan məbləğ 11 min manatdır. Bir saat ərzində 3080 manat yığılıb. Hüquq müdafiəçisi əlavə edib ki, vəsait toplanması davam edir və lazımi məbləğ yığılacaq.
"Biz polisin müdaxiləsini pisləyirik, bu, qanuna və sərbəst toplaşmaq azadlığına ziddir. Marafonun keçirildiyi Müsavat Partiyasının mənzil-qərargahının
mühasirəyə alınması və polis zabitlərinin iclas zalına girməsi absurd və qanunsuzdur", - O.Gülalıyev qeyd edib.
Hakimiyyət vətəndaş cəmiyyətinin, müxalifətin və sıravi vətəndaşların fəallaşacağından qorxur.
"Hakimiyyət insanların hüquq və azadlıqlarının təmin edildiyini bildirir" sualının cavabında O.Gülalıyev deyib ki, iyunun28-də "Həmrəylik marafonu"nun dağıdılması, siyasi partiyanın ofisinin mühasirəyə alınması, onun üzvlərinin oradan çıxarılması Azərbaycan insan hüquqlarının vəziyyətindən xəbər verir.
Eyni zamanda "Gəncə işi" də ölkədə insan hüquq və azadlıqlarının acınacaqlı durumda olduğunu göstərir. Günahsız insanlar dövlət əleyhinə çıxışlarda ittiham olunaraq həbs edilib. Həbs edilənlər amansız işgəncələrə məruz qalıb, bir neçə nəfər guya polisə müqavimət göstərdiyinə görə güllələnib.
"Sonradan məlum olur ki, bu insanlar günahsızdır. Hansı hüquq və azadlıqdan danışmaq olar? Hesab edirəm ki, Azərbaycan insan haqları dünyada ən çox pozulan ölkələrdən biridir. Çoxsaylı beynəlxalq təşkilatlar da bu fikri bölüşür", - O.Gülalıyev bildirib.-03B-
-
- Mədəniyyət
- 4 İyul 2019 12:47
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz