Bakı/11.05.18/Turan: Mayın 10-da axşam saatlarında, 11-də isə gecə saatlarında leysan yağışları ilə müşayiət olunan dolu İsmayıllı rayonunun bir neçə dağ və dağətəyi kəndlərinə ciddi ziyan vurub.
"Dolu fərdi təsərrüfatlara, əkin sahələrinə zərər vurub, sel suları isə kəndlərarası, kənddaxili yolları dağıdıb. Sel Sulut kəndinə aparan avtomobil körpüsünü dağıdıb. Nəticədə bir neçə kəndlə əlaqə kəsilib". Məlumatı Turan-a İsmayıllı Rayon İcra Hakimiyyətindən veriblər.
Dolu və sel Basqal və Lahıc qəsəbələrinə, Kürdüvan, Mücü, Xankəndi, Sulut, Zərnava, Köhnə Daxar, Əhən kəndlərində baş verib. "Dağlardan gələn sel çay yatağını yuyub və kəndin yeganə giriş yolunu bağlayıb", - Mücü kənd sakini Tahir Babayev Turan-a bildirib.
Hazırda İsmayıllı Rayon Fövqəladə Hallar Homissiyası dəyən zərəri hesablayır. Rayon Yol İstismar İdarəsi Basqal-Sulut avtomobil yolunun 8-ci kilometrliyindəki körpünü bərpa etməyə çalışır. 08B--
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz