Bakı/11.06.18/Turan: Iyunun 10-da Saatlı rayonunun Smadakənd kəndi ərazisindəki pambıq tarlalarında ziyanvericilərə qarşı dərmanlamadan sonra iyirmidən çox adam zəhərlənərək xəstəxanaya yerləşdirlib. Bu barədə Turan-a yerli mənbələrdən bildiriblər.
Azərbaycan Səhiyyə Nazirliyinin mətbuat xidmətinin məlumatına görə, zəhərlənmə diaqnozu ilə xəstəxanaya 24 nəfər daxil olub.
"Onlardan 20 nəfəri Saatlı Rayon Mərkəzi Xəstəxanasında müalicə alır. İki nəfər artıq evə buraxılıb, 4 nəfər isə Bakı Şəhər Toksikologiya Mərkəzinə yerləşdirilib. Toksikoloji Mərkəzə yerləşdirilənlərin vəziyyəti orta ağırdır", - Səhiyyə Nazirliyinin mətbuat xidmətindən Turan-a bildiriblər.-0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz