Bakı/12.04.20/Turan: Bakı Mətbuat Klubunun “Press klub” proqramında informasiya idarəçiliyi, koronavirus pandemiyası dövründə hakimiyyət-mətbuat- cəmiyyət arasında qarşılıqlı münasibətlər, mətbuatın rolu və dövlətin sosial məsuliyyəti müzakirə mövzusu olub.
Tədbirdə media sahəsində ekspert, professor Qulu Məhərrəmli, Bakı Mətbuat Klubunun rəhbəri Arf Əliyev və Turan İA-nın direktoru Mehman Əliyev iştirak ediblər.
Verilişdə fövqəladə vəziyyətlərdə informasiya siyasətinin ictimai maraqlar baxımından aparılması və pandemiya mövzusu ətrafında informasiya məkanının formalaşmasında mərkəzi halqa olan mətbuatla münasibətlərin qurulması bacarığına məsul dövlətin xüsusi roluna diqqət yönəldilib.
İndiki halda belə işin və qarşılıqlı fəaliyyətin əsas məsələsi tibb, sosial, psixoloji aspektlər də daxil olmaqla koronavirus probleminin bütün aspektləri üzrə obyektiv mənzərənin formalaşmasının vacibliyidir.
Hökumət və KİV pandemiyaya qarşı effektiv mübarizəyə xidmət edəcək səviyyədə qarşılıqlı fəaliyyətə nail ola bildilərmi? Proqram iştirakçıları sual verirlər. “Çox güman ki, yox”, - Mehman Əliyev hesab edir. O qeyd edib ki, dövlətin həyata keçirdiyi tədbirlərin informasiya təminatının effektivliyi ilk növbədə hökumətin üzərinə düşür. Lakin onun fikrincə, inzibati və informasiya tədbirlərinin birləşməsi harmonik vəziyyətdə deyil və profilaktik tədbirlərin effektivliyini azaldır.
Bu yanaşma ilə razılaşan Qulu Məhərrəmli diqqəti KİV-in peşə və mənəvi məsuliyyətinə yönəldib. O hesab edir ki, KİV bu vəziyyətdə mühüm rol oynayır, amma hər şey elə də hamar deyil və həm redaksiyaların özlərinin, həm jurnalistlərin, həm də hökumətin informasiya siyasəti sahəsindəki işində düzəlişlərin edilməsi vacibdir.
Pandemiya probleminin sosial- mənəvi aspektləri də diqqətdən kənarda qalmayıb. Arif Əliyevin fikrincə, dövlət karantin tətbiq edildikdən sonra gəlirlərin itkisi nəticəsində cəmiyyətin daha az müdafiə olunan və ya heç müdafiə olunmayan təbəqələrinin üzləşdiyi çətinliklər barədə jurnalistlərin və sosial şəbəkələrin məlumatlarını diqqətlə öyrənməlidir.0—
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz