Paytaxt meriyası Avropa Oyunları ilə bağlı xüsusi parkinq qaydalarını açıqlayıb
Bakı şəhər icra hakimiyyəti Avropa Oyunlarının keçirildiyi müddətdə oyunların keçiriləcəyi idman obyektləri ətrafında yaşayan sakinlər üçün xüsusi parkinq icazə qaydaları hazırlayıb.
Bu qaydalara əsasən, İdman obyektləri ətrafındakı parkinq nəzarət zonalarında parkinqlər ancaq obyektə yaxın binaların sakinləri üçün nəzərdə tutulur. Amma qaydalarda bu “zonanın” əhatə dairəsi aydın göstərilmir. Buna baxmayaraq, şəhər meriyası bu zonaya daxil olmayan sürücülərin parkinq istisna olmaqla, avtomobillə hərəkətlərinə məhdudiyyət qoyulmayacağını qeyd edir.
Bu zonaya aid sakinlər isə uyğun icra hakimiyyəti orqanının icazəsilə avtomobillərini adı çəkilən parkinq zonalarında saxlaya bilərlər. Mənbə bu addımı Avropa Oyunları zamanı idman obyektinə yaxın ərazilərdə yaşayan sakinlərin rahatlığını təmin etməklə əlaqələndirir.
Bu zonalarda parkinq hüququ olmayan avtomobillər aşkar edildikdə sahibinə xəbər verilmədən evakuasiya ediləcəyi və cərimə olunacağı bildirilir.
Hər idman obyektinə verilən parkinq icazəsi həmin idman obyektinə şamil edilən kodla fərqlənir. Sakinlər parkinq icazələrini yaşadığı ərazi üzrə mənzil istismar sahələrindən ala biərlər.
Parkinqlə bağlı icazələrin mayın 15-dən sonra veriləcəyi deyilir, icazə vəsiqəsi avtomobilin ön şüşəsinə yapışdırılır. Vəsiqə itərsə və ya yayrsız hala düşərsə yeni vəsiqə verilmir.
Həmin ərazilərdə yerləşən dövlət qurumları və şirkətlərdə çalışan şəxslərə parkinq icazəsi verilmir, amma qurum və ya şirkətin parkinq ərazisi varsa, ondan istifadə edə bilərlər, əks halda ictimai nəqliyyatdan istifadə etmələri tövsiyə olunur. -05D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz