Mətbuat-monitorinq25.04.15
Rəsmi qəzetlər dövlət başçısı İlham Əliyevin Çanaqqala qələbəsinin 100 illiyi ilə bağlı Türkiyə səfərinə dair yazıları ilk səhifələrə yerləşdiriblər.
“Azadlıq” qəzeti Səbail rayon icra başçı Asif Əsgərovun oğlunun törətdiyi qəzada oğlunu itirən “Mc Donalds” rəhbəri Maqsud Mirzəyevin icra başçısının oğlunu məsuliyyətdən yayındırmaq üçün 1 milyon pul verməsi ittihamını ilk səhifəyə çıxarıb.
Qəzet ölkədə inhisar dairəsinin getdikcə daralmasına toxunaraq dövlət başçısı İlham Əliyevin əmisi oğlu İlqar Əliyevə məxsus “Riad Farm” şirkətinin dərman bazarından bütünlüklə çıxarıldığını, onu “Zeytun” firmasının əvəzlədiyini yazır.
Qəzet qeyd edir ki, Nazirlər Kabineti ölkədə dərmanların vahid qiymətə satılması və qiyməti Tarif Şurasının müəyyən etməsi haqda Qaydaları tətbiq edir.
Qəzet vicdan məhbusu, Müsavat Partiyası başqanının müavini Tofiq Yaqublunun qızının dəfn mərasimində iştirak etmək üçün müvəqqəti azadlığa buraxıldıqdan sonrakı fotolarını dərc edib.
Milli Şuranın mayın 3-də “Talana son” şüarı altında keçirilməsini nəzərdə tutduğu mitinqə toxunan qəzet hazırlıqların davam etdiyini yazır.
“Ekspress” qəzeti Mərkəzi Bankda kapital çatışmazlığı yarandıqda onun dövlətin buraxdığı qiymətli kağızlar hesabına ödənilməli olduğu bəyanatını ilk səhifəyə çəkib.
Qəzet iyunun sonuna kimi ölkədə dərmanların vahid yeni qiymətlərinin müəyyən ediləcyini yazır.
“Novoe Vremya” qəzeti Azərbaycan qazının Avropaya nəqlini nəzərdə tutan TANAP layihəsini aşağılayaraq “Avropaya vəd edilən qazın bizim problemləri həll etməyəcəyi” kimi mücərrəd bəyanat səsləndirir.
“Bizim yol” qəzeti Avropa İttifaqının “Şərq Tərəfdaşlığı” layihəsi çərçivəsində bu ilin mayında Riqada keçiriləcək tədbirə qatılacaq dövlətlərin Rusiya tərəfindən hədələnməsini qəzet Rusiyanın “Azərbaycanı və daha 5 dövləti hədələməsi” hesab edir.
“Yeni Müsavat” qəzeti baş nazirin keçmiş birinci ümavini Abas Abasovun Daşkənddə qoyun sürülərinin tapılması kimi “aktual” mövzunu diqqət mərkəzinə çəkib.
RF XİN rəsmisi Aleksandr Lukaşeviçin may ayında Riqada keçiriləcək “Şərq Tərəfdaşlığı” toplantısını anti-Rusiya aksiyası sayacaqları və buna kəskin reaksiya verəcəkləri bəyanatını qəzet “Rusiyanın Azərbaycanı və daha 5 ölkəni hədələməsi” adlandırır.
Qarabağ münaqişəsinin tənzimlənməsi üzrə Minsk qrupu həmsədrləri olan Rusiya və Fransa prezidentlərinin İrəvanda “erməni soyqırımı” tədbirlərinə qatılmasını politoloqlar “həmsədrlərin işğalçının yanında olması” sayıblar.
Qəzet vicdan məhbusu, qızının vəfatı ilə bağlı müvəqqəti azadlığa buraxılan Tofiq Yaqublunun əfv olunması üçün siyasi məhbus məsələsi üzrə Birgə İşçi qrupun, bir qrup deputatın dövlət başçısı İlham Əliyevə müraciət ünvanladığını yazır.
-
- Siyasət
- 25 Aprel 2015 13:47
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz