Bakı/10.07.17/Turan: Bu ilin birinci yarısında Bakıda şəxsiyyət əleyhinə yönələn cinayətlər azalıb. 2016-cı ilin eyni dövrü ilə müqayisədə azalma 3,4% təşkil edib. Adam öldürməyə cəhd cinayətlərindəki azalma daha çox - 46,2% olub. Bu barədə iyulun 8-də Bakı Şəhər Baş Polis İdarəsində keçirilən əməliyyat müşavirəsində məlumat verilib.
Müşavirədə açıqlanan statistik bilgilərə görə, yarım ildə paytaxtda 6.094 cinayət hadisəsi qeydə alınıb. Əvvəlki ildə bu göstərici 6.644 olub.
Yarım ildə cinayətlərin 79,9%-nin açılmasının təmin edildiyi bildirilir. Ağır cinayət növlərinin 81%-nin üstü açılıb.
Adam öldürməyə cəhd cinayətlərininsə 100%-nin üstünün açıldığı bildirilir.
Müşavirədə cinayətlərin profilaktikasında və açılmasında müasir informasiya texnologiyalarının, o cümlədən "Təhlükəsiz şəhər" xidmətinin rolu xüsusi ifadə edilib.-0-
Cəmiyyət
-
İctimai fəal Elmir Abbasov mayın 7-də Bakı Şəhər Baş Polis İdarəsində "Abzas Media" işi üzrə ifadə verib. Bu barədə onun özü məlumat verib. Onun sözlərinə görə, ona verilən müəyyən sualları cavablandırıb.
-
Azərbaycanın lider telekommunikasiya şirkəti Azercell 2023-cü il üzrə ESG (ekologiya, sosial və idarəetmə) hesabatını təqdim edir Azercell media nümayəndələri və aidiyyatı tərəfdaşlar üçün təşkil etdiyi “Davamlı bağlantı üçün dayanıqlı inkişaf: Azercell-in illik ESG hesabatının təqdimatı” adlı tədbirində Dayanıqlılıq hesabatını ictimaiyyətə açıqladı.
-
Sumqayıt şəhər "Evdə" fərdi təhsil məktəbində yol verilən qanunsuzluqlarla bağlı vətəndaş müraciəti əsasında şəhər prokurorluğunda araşdırma aparılıb. Bu barədə Baş Prokurorluğun yaydığı məlumatda deyilir.
-
Mayın 10-da Qazaxıstanın Almatı şəhərində Azərbaycan və Ermənistan xarici işlər nazirlərinin görüşü gözlənir. Azərbaycan tərəfi görüşün gündəliyini, hələlik, açıqlamayıb. Amma Ermənistanın Xarici İşlər Nazirliyindən (XİN) yerli mediaya bildirilib ki, gündəliyə tərəflərin öhdəliklərinin təsdiqi, eləcə də regional nəqliyyat infrastrukturu və ticarət marşrutlarının bərpası ilə bağlı məsələlər daxil edilib.
Rəy yaz