Penitensiar Xidmət İkram Rəhimovun aclığı bərpa etməsi haqqında iddiasını təkzib edib (YENİLƏNİB)
Bakı/20.09.19/Turan: Sentyabrın 20-də günorta saatlarında Penitensiar Xidmətin İctimaiyyətlə Əlaqələr şöbəsi bildirib ki, Rəhimovun aclığa başlaması haqqında bəyanatı həqiqətə uyğun deyil. "O, qida və su qəbul edir", deyə Penitensiar Xidmətin nümayəndəsi qeyd edib. -03B-
* * *
2019 Sentyabr 20 (Cümə) 14:00:32
İkram Rəhimov quru aclığa başlayıb
Bakı/20.09.19/Turan: "Sentyabrın 18-dən tam reabilitasiyam tələbi ilə quru aclığa başlamışam". Bu barədə realliq.info saytının həbsdə olan redaktoru və təsisçisi İkram Rəhimov ölkə KİV-lərinə müraciətində bildirib.
O, aclığı bərpa etmək qərarını "aldadılması" ilə izah edib. Rəhimovun sözlərinə görə, ona Apellyasiya Məhkəməsində işinə obyektiv baxılacağını vəd ediblər və bu səbəbdən o, başladığı aclığı dayandırıb.
"Amma Apellyasiya Məhkəməsi yalnız azadlıqdan məhrumetmə müddətini azaldaraq, məni törətmədiyim cinayətlərdə təqsirli bilib. Buna görə quru aclığı bərpa edirəm və tamamilə bəraət alana qədər aclığı qədər davam etdirəcəyəm", deyə Rəhimov qeyd edib.
O, müraciətini telefonla qohumlarına oxuyub, onlar isə müraciəti KİV-ə təqdim ediblər.
* Realliq.info saytının redaktoru İkram Rəhimov 2018-ci il oktyabrın 26-da saxlanılıb. İyunun 12-də məhkəmə onu 5,5 il müddətinə azadlıqdan məhrum edib. Etiraz əlaməti olaraq Rəhimov aclığa başlayıb və 30-cu gün - sentyabrın 5-də aclığı dayandırıb.
Sentyabrın 18-də Apellyasiya Məhkəməsi Rəhimovun hədələmə yolu ilə pul tələb etmək təqsirini təsdiq edib, CM-in 62-ci (qanunla nəzərdə tutulmuş ən az cəzanın tətbiqi) maddəsini tətbiq edərək, həbs müddətini 5,5 ildən 3 ilə qədər azaldıb. -03D-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz