Avqustun 18-də saat 15.30 radələrində Gününsəsi.info saytının baş redaktoru Pərviz Həşimli Nərimanov Rayon Polis İdarəsinin 16-cı polis bölməsinə aparılıb. Bu barədə vəkil Bəhruz Bayramov Turan-a bildirib.
Onun sözlərinə görə, jurnalist insident nəticəsində polis tərəfindən saxlanıb.
“Belə ki, “Gününsəsi.info saytı keçmiş milli təhlükəsizlik nazirinin sabiq müavini Hilal Əsədovun həyat yoldaşı Nüşabə Əsədovanın Bakı şəhərindəki 14 saylı poliklinikanın baş həkimi vəzifədən azad edilməsi ilə bağlı yazı dərc edib. Bu gün təsadüfən Hilal Əsədovun xanımı sürücüsü ilə keçərkən saytın rəhbəri Pərviz Həşimlini görür və ondan məqalə ilə bağlı sorğu-sual edir. Həşimli xanımdan saytda dərc edilmiş yazıya cavab yazmasını xahiş edir. Jurnalist özünə qarşı təxribat olacağını güman edərək baş verənləri mobil telefonu vasitəsi ilə çəkir. Bu zaman Nüşabə Əsədovanın sürücüsü Həşimliyə hücum edir və telefonu ondan almağa cəhd edir. Beləliklə, insident yaranıb və polislər jurnalisti Nərimanov rayon Polis İdarəsinin 16-cı Polis Bölməsinə gətiriblər. Mobil telefon da polisdədir. Bütün baş verənlərin mobil telefona çəkilməsinə baxmayaraq, polis hadisənin şahidi olmayan 14 saylı poliklinikanın işçilərini dindirir”, deyə vəkil qeyd edib.
Xatırladaq ki, bundan öncə Pərviz Həşimli 2013-cü il sentyabrın 17-də Milli Təhlükəsizlik Nazirliyinin keçirdiyi əməliyyatla saxlanıb. Ona qarşı Cinayət Məcəlləsinin 206.3.2-ci (qabaqcadan əlbir olan bir qrup şəxs tərəfindən odlu silahın və döyüş sursatının qaçaqmalçılığı) və 228.2.1-ci (qabaqcadan əlbir olan bir qrup şəxs tərəfindən qanunsuz olaraq odlu silah, onun komplekt hissələrini və döyüş sursatını əldə etmə, saxlama, daşıma) maddələri üzrə ittiham irəli sürülüb. Həşimli bu ittihamlarla 8 il azadlıqdan məhrum edilib və 2016-cı ilin martında əfv edilib.
O, ittihamları qəbul etməyib və sifariş hesab edib. Jurnalist keçmiş MTN-in təcridxanasında olarkən ağır işgəncələrə məruz qaldığını və bir sıra vəzifəli şəxslərin, həmçinin müxalifətdə olan AXCP sədri Əli Kərimlinin əleyhinə ifadələr almaq istədiklərini bəyan edib. -03B-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz