“Barələrində inzibati həbs qərarı verilən REAL-çılar Toğrul İsmayılov və Elşən Qasımov avqustun 16-da Bakı şəhər Baş Polis İdarəsinə aparılıb. Baş Prokurorluğun Ağır Cinayətlər üzrə İdarəsinin müstəntiqi Orxan Babayev onları 3 saatdan çox dindirib”.
Bunu "Turan" informasiya agentliyinə açıqlamasında gənclərin vəkili Elçin Sadıqov deyib.
Avqustun 18-də Daxili İşlər Nazirliyinin inzibati qaydada həbs olunan şəxslərin saxlanılması yerində gənclərlə görüşən vəkilin bildirdiyinə görə, dindirmə zamanı suallar REAL hərəkatı və hazırda həbsdə olan icra katibi Natiq Cəfərli barədə olub.
“Gəncləri avqustun 17-də yenidən dindiriliblər. Bu dəfə dindirmədə Dövlət Təhlükəsizlik Xidmətinin əməkdaşı da iştirak edib”, deyən vəkil vurğulayıb ki, həbsdə saxlanılan şəxslərin başqa yerə aparılması qanunvericiliyə ziddir.
“Onların qanunsuz olaraq Bakı Şəhər Baş Polis İdarəsinə etap olunması barədə müvafiq qurumlara şikayət edəcəyik. Ümumiyyətlə, hər iki gəncin həbsi qanunsuzdur. Həm də onların 9-cu polis bölməsinin həyətində saxlanılması da qanunsuzdur. Çünki orda saxlanmaq üçün şərait yoxdur ”, vəkil bildirib.
Elşən Qasımov və Toğrul İsmayılov avqustun 15-də saxlanmışdı. Hərəkat təmsilçilərinin və vəkillərin axtarışlarına baxmayaraq, gənclərin yerini həmin gün müəyyən etmək mümkün olmamışdı.
Yalnız avqustun 16-da gənclərin Səbail Rayon Məhkəməsinə aparıldıqları bəlli olmuşdu. Məhkəmə gəncləri polisə tabe olmamaqda günahlandıraraq, onlara 7 sutka inzibati həbs cəzası vermişdi.
Elşən Qasımovla Toğrul İsmayılov REAL hərəkatının sentyabrın 26-na təyin edilən referendumla bağlı təsis etdiyi “Respublikaçı Alternativ” Təşəbbüs Qrupunun səlahiyyətli nümayəndələridir.—0--
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz