Avqustun 19-da Suraxanı Rayon Mәhkәmәsinin qərarı ilə Azərbaycan Xalq Cəbhəsi Partiyasının (AXCP) fəalı Qədim Bəkirov inzibati qaydada 25 sutka azadlıqdan məhrum edilib. O, polisin qanuni tələbinə tabe olmamaqda günahlandırılıb. Bu barədə AXCP Gənclər Komitəsi məlumat yayıb.
AXCP Suraxanı şöbәsinin fәalı Qədim Bəkirov avqustun 18-də Suraxanı rayonu ərazisində polis tərəfindən saxlanılıb.-03D-
* * *
Azərbaycan Xalq Cəbhəsi Partiyasının (AXCP) üzvləri Fuad Əhmədli və Qədim Bəkirov avqustun 18-də Bakıda saxlanılıblar. Onların nədə ittiham olunduğu hələlik məlum deyil.
AXCP-dən Turan-a bildirilib ki, təşkilatın Xətai şöbəsi Gənclər Komitəsinin rəhbəri Fuad Əhmədli Dövlət Təhlükəsizlik Xidmətinin (DTX) əməkdaşları tərəfindən saxlanılıb. Axtarış zamanı onun mənzilində bəzi kitablar aşkar edilib.
Dövlət tərəfindən təyin edilən vəkil onun atasına telefon edərək bildirib ki, F.Əhmədlinin barəsndə şübhəli şəxs qismində 48 saat saxlanma haqda qərar qəbul edilib.
AXCP Suraxanı rayon şöbəsinin fəalı Qədim Bəkirov bu rayonun polis əməkdaşları tərəfindən saxlanılıb. Maraqlıdır ki, Q.Bəkirov polisə təslim olsun deyə öncə onun qardaşını saxlayıblar.
Avqustun 19-da Q.Bəkirov məhkəmə qarşısında dayanacaq.
Avqustun 12-dən bu yana REAL Hərəkatının icraçı katibi Natiq Cəfərli, bu təşkilatın iki fəalı Toğrul İsmayılov və Elşən Qasımov (hər ikisi 7 sutkalığa), AXCP fəalı Məsud Rzalı (30 sutka) , NİDA üzvü Elgiz Qəhrəmanlı saxlanılıb.
N.Cəfərli və E.Qəhrəmanlıya qarşı cinayət ittihamı irəli sürülüb və onlar məhkəməyə qədər 4 ay müddətinə həbs ediliblər.
Müşahidəçilər ehtimal edirlər ki, həbslər Konstitusiyaya düzəlişlər üzrə referendum ərəfəsində müxalifətin fəallığının qarşısının alınması ilə bağlıdır. 06В--
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz