![Pərviz Həşimlinin apellyasiya şikayəti](https://turan.az/resized/media/2014/main/070700083568-750-500-resize.webp)
Pərviz Həşimlinin apellyasiya şikayəti
İyulun 7-də Bakı Apellyasiya Məhkəməsində hakim Vaqif Mursaqulovun sədrliyi ilə silah qaçaqmalçılığı ittihamı ilə 8 il müddətinə həbs edilmiş “Bizim yol”qəzetinin jurnalisti və hüquq müdafiəçisi Pərviz Həşimlinin apellyasiya şikayəti üzrə ilkin baxış iclası keçirlib.
Müdafiə tərəfi birinci instansiya məhkəməsinin qərarının ləğv edilməsi və onun barəsində bəraət hökmünün çıxarılması məsələsini qaldırıb.
Bundan başqa, müdafiə tərəfi qətimkan tədbirinin dəyişdirilməsi və əlavə şahidlərin dindirilməsi barədə vəsatət verib.
Lakin məhkəmə heç bir vəsatəti təmin etməyib, bu barədə Turan-a vəkil Bəhruz Bayramov bildirib.
Növbəti məhkəmə iclası iyulun 14-nə təyin edilib.
İş üzrə digər müttəhim Təvəkkül Qurbanov da apellyasiya şikayəti verib. O, 8,5 il həbs müddətinin ağır olmasından şikayət edir.
* Pərviz Həşimli 2013-cü il sentyabrın 17-də MTN əməkdaşları tərəfindən həbs olunub.
Mayın 15-də Bakı Ağır Cinayətlər Məhkəməsi onu 228.2.1 (qabaqcadan bir qrup şəxslə əlbir olaraq silah və hərbi sursatın qanunsuz əldə edilməsi, daşınması, satışı, saxlanması, gəzdirilməsi), 228.2.2 (həmin hərəkətlərin təkrar törədilməsi) və 206.3.2 (qabaqcadan bir qrup şəxslə əlbir olaraq qaçaqmalçılıq) madələri ilə təqsirli bilərək 8 il azadlıqdan məhrum edib. Bu iş üzrə keçən digər müttəhim Təvəkkül Qurbanov da həmin maddələrlə təqsirli bilinib, 8,5 il müddətinə azadlıqdan məhrum edilib. -16/06D-
-
- İqtisadiyyat
- 7 İyul 2014 16:56
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz