PKK-ya qoşulduğu iddia edilən üç tələbənin videosu yayılıb

Ankarada yoxa çıxan 3 azərbaycanlı tələbənin İraqda PKK düşərgəsində olması ilə bağlı məlumatlar yayılıb.  

Belə ki, İldırım Bayazit Universitetinin tələbəsi Sənan Güləhmədov, Ankara Universitetinin tələbəsi Mobil və Turqut Özal Universitetinin tələbəsi Məmmədhüseyn adlı şəxslərin yoxa çıxması iddia edilir.

Tələbələrin ailələri mediaya bildiriblər ki, üç aydan çoxdur ki, övladları ilə əlaqələri yoxdur. Azərbaycanın və Türkiyənin hüquq-mühafizə orqanları tələbələrin hansı şəraitdə yoxa çıxması barədə məlumat vermir.

Bu il iyunun 6-da Youtube sosial şəbəkəsində “anfvideo” tərəfindən “Azeri gençler PKK saflarında 1” adı altında özünü azərbaycanlı tələbələr kimi təqdim edən 3 şəxslə video müsahibə (https://www.youtube.com/watch?v=Y3dnetx0gKc) yayılıb. Onlar PKK-ya xas olan geyimdədir, çiyinlərində “Kalaşnikov” avtomatı var. Video müsahibədə gənclər Azərbaycandan oduqlarını, Türkiyə universitetlərində təhsil aldıqlarını və RKK-ya qoşulduqlarını təsdiq edirlər. Onlar özlərini İldırım Bayazit Universitetinin tələbəsi Fərəməz Azəri, Turqut Ozal Universitetinin tələbəsi Babək Hakır, Balıkesir Universitetinin tələbəsi Azad Mirkan kimi təqdim edirlər. Yayılan videolardakı adlar və soyadlarla video müsahibədə təqdim olunan adlar və soyadlar uyğun gəlmir. Ehtimal etmək olar ki, hər üç şəxs ad və soyadını yanlış təqdim edib və ya özlərinə kod adları (şərti ad) seçiblər.  

Videoda gənclər sosialist qrupuna məxsus olduğunu və dünyada xilasın "internasional"da olduğunu bildirir. PKK qrupu rəqs edir, kürd, Azərbaycan dillərində mahnılar oxuyur. Qrup Azərbaycan dilində "Daşlı qala" mahnısını və  "İnternasinal"  marşını ifa edir.

Təqdim edilən videonun həqiqətə  uyğun olub-olmadığını da hələ  müəyyən etymək  mükün deyil. Hüquq-mühafizə orqanları video ilə bağlı şərh verməyiblər.

Azərbaycanın Türkiyədəki səfirliyi Sənan Güləhmədovun yoxa çıxmasını yerli mediaya təsdiq edib. Digər iki tələbə barəsində isə məlumatın olmadığını bildirib. –0--