Bakı/08.07.19/Turan: Jurnalist Polad Aslanovun yenidən dindirilməsi üçün vəkilin verdiyi vəsatətin təmin olunmasına baxmayaraq, o, hələ də dindirilməyib. Bu barədə P.Aslanovun həyat yoldaşı Gülmirə Aslanova Facebook səhifəsində yazıb.
Onun sözlərinə görə, P.Aslanova vəkillərindən imtina etməsi üçün təzyiq göstərilir.
"Həbs edildiyi vaxt təzyiq, təsir və işgəncə altında verdiyi ifadəni dəyişdirməməsi üçün təzyiqlər edirlər", - G.Aslanova qeyd edib.
G.Aslanova diqqəti ona yönəldib ki, jurnalist fiziki cəhətdən çox zəifdir, çəki itirir, qidalana bilmir, ürək-damar xəstəsidir.
"Əgər Polad Aslanov vəkillərindən və yenidən ifadə verməkdən imtina etsə, deməli, DTX-də ona təzyiq edilib və o, imtina etməyə məcbur olub.
Əslində Polad Aslanov öz vəkillərinin iştirakı ilə yenidən ifadə vermək istəyir. Bu barədə məhkəmədə çıxışında da deyib", - G.Aslanova bildirib.
Xeberman.com saytının redaktoru Polad Aslanov iyunun 12-də saxlanılıb. Növbəti gün məhkəmə onu 4 ay müddətinə həbs edib. Ona qarşı CM-in 274-cü maddəsi (dövlətə xəyanət) ilə ittiham irəli sürülüb. İstintaqı Dövlət Təhlükəsizliyi Xidməti aparır.
Yerli və beynəlxalq təşkilatlar Polad Aslanova qarşı cinayət təqibini pisləyiblər və hesab edirlər ki, onun həbsinin əsl səbəbi jurnalist fəaliyyəti ilə bağlıdır. --06B--
Cəmiyyət
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
-
Yanvarın 19-da səhər və axşam paytaxtda yağış yağacağı gözlənilir. Səhər bəzi yerlərdə duman olacaq. Cənub-şərq küləyi əsəcək. Havanın temperaturu gecə müsbət 3+6, gündüz müsbət 7+11 dərəcə olacaq. Rütubət 70-80 faiz olacaq.
-
Azərbaycanda meymunçiçəyi virusuna yoluxma ilə bağlı ilk hal aşkarlanıb. Bu barədə Azərbaycan Səhiyyə Nazirliyinin və Tibbi Ərazi Bölmələrini İdarəetmə Birliyinin (TƏBİB) 18 yanvar tarixli birgə məlumatında deyilir.
-
Lider mobil operator şagird və valideynləri virtual məkanda təhlükəsiz davranış qaydaları ilə tanış edir Azercell uşaqların virtual məkanda təhlükəsizliyini təmin etmək və rəqəmsal savadlılığı artırmaq məqsədilə ölkə üzrə “Təhlükəsiz İnternet” mövzusunda təlimlərini davam etdirir. Bu dəfə layihə Quba, Xızı, Sumqayıt və Mingəçevir şəhərlərində keçirilib.
Rəy yaz