Polis daha bir telefon dələduzunu saxlayıb
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
İstintaq müəyyən edib ki, Karnauxov xaricdə müəyyən şəxslərlə cinayət əlaqəsinə girərək onlardan Telegram sosial şəbəkəsi vasitəsilə Bakı şəhərində konkret şəxslərin ünvanlarını alıb.
O, bu ünvanlarla əlaqə saxlayıb, insanlara yaxın qohumları ilə bədbəxt hadisənin baş verdiyini və ona kömək üçün pul lazım olduğunu bildirib.
Belə ki, Karnauxov üç vətəndaşdan dələduzluq yolu ilə ümumilikdə 43 min manat pul ala bilib.
Bu pulların böyük hissəsini xarici şəriklərinin hesabına köçürüb, bir hissəsini isə özü üçün saxlayıb.
Araşdırma zamanı onun daha əvvəl də paytaxtın Nəsimi rayonu ərazisində də analoji əməllər törətdiyi müəyyən edilib.
Bu barədə bazar ertəsi Azərbaycan Daxili İşlər Nazirliyinin məlumatında deyilir.
Daxili İşlər Nazirliyi vətəndaşları diqqətli olmağa və heç bir halda tanımadıqları şəxslərə pul verməməyə çağırır.
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz