Bakı/08.06.17/Turan: DİN bu gün paytaxtın Binəqədi rayonunda supermarketə hücumla bağlı məsələyə aydınlıq gətirib.
DİN mətbuat xidmətinin məlumatına görə, Cinayət Məcəlləsinin 221.2.1 (xuliqanlıq - bir qrup şəxs tərəfindən törədildikdə) və 221.2.2-ci (xuliqanlıq - ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə törədildikdə) maddələri ilə cinayət işi başlanıb.
Baş verənlərlə əlaqədar 13 nəfər saxlanılaraq istintaqa cəlb edilib.
Xatırladaq ki, "Riad" Mühafizə Xidmətinin 20-yə yaxın əməkdaşı ilə Binəqədi rayonundakı "Safastore" mağazasının işçiləri və mühafizə arasında dava düşüb. Nəticədə Mühafizə Xidmətinin əməkdaşları mağaza işçilərini döyüblər.
Qeyri-rəsmi məlumata görə, münaqişəyə mağazanın əvvəlki və indiki sahibləri arasında pul mübahisəsi səbəb olub. Belə ki, əvvəlki sahibkar Azadxan Xanməmmədov bir müddət öncə mağazanı 1.5 milyon manata satıb, ancaq sənədlər rəsmiləşdirməyib. Sonra fikrini dəyişib və mağazanın geri verilməsini tələb edib.-16D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz