ReAl-ın Sumqatış təşkilatının rəhbəri Hafiz Babalı 3 saatdan çox davam edən dindirmədən sonra Sumqayıt polisindən sərbəst buraxılıb.
Babalının sözlərinə görə, onun polisə çağırılmasına səbəb ReAl-ın yanvarın 24-də Sumqayıtda keçirilməsi nəzərdə tutulan “Böhran şəraitində vətəndaşın davranışı” adlı tədbiri olub.
Polis tədbir haqqında facebook-dakı elanda onun bank binası qarşısında keçiriləcəyi yazılmasından narahatdır. Polis hesab edir ki, bank qarşısında aksiya hazırlanır. Lakin Babalı izah edib ki, söhbət dəyirmi masadan gedir və tədbir ReAl-ın ofisində keçiriləcək.
Lakin polis aralarında “ictimai asayişi pozmağa meylli olanların” da ola biləcəyi çox sayda insanın gəlməsi ehtimalı ilə əlaqədar israrla tədbiri keçirməməyi tövsiyə edib.
Jurnalistə meriyadan tədbir üçün başqa yer verilməsini xahiş etməyi tövsiyə ediblər. Lakin Babalı polisin arqumentləri ilə razı deyil, belə ki, ReAl əvvəllər də tədbirlər keçirib, amma heç bir asayiş pozuntusu olmayıb. Bununla belə, təxribatlardan uzaq olmaq üçün, çox güman ki, tədbir təxirə salınacaq, deyə Babalı bildirib. -06D-
2016 Yanvar 22 (Cümə) 15:38:15
Müxalif "Respublikaçı Alternativ" hərəkatının fəalı, jurnalist Hafiz Babalı bu gün yaşadığı Sumqayıt şəhər polis idarəsinə dindirilməyə çağırılıb.
Babalı hərəkatın Sumqayıt təşkilatının rəhbəridir və onun fəaliyyəti dəfələrlə polisin maraq obyekti olub. Xüsusən, o, əhali arasında ReAl in fəaliyyəti haqqında material yaydığına görə saxlanılıb.
Ötən ilin noyabrında parlament seçkiləri zamanı Babalı deputatlığa namizəd idi və çoxsaylı pozuntu və saxtalaşdırma faktları qeydə alıb.
Bugünki dindirmə ultimatum xarakteri daşıyırdı, polis nümayəndəsi Babalıya bildiriş göndərilməsinin səbəbini izah edə bilməyib, söhbətin on dəqiqədən artıq çəkməyəcəyinə söz verib. O, fəalın çağırılmasının səbəbini və söhbətin mövzusunu açıqlamayıb.
Saat 13-də polis binasına daxil olan Babalı 15:30-da daha oradan çıxmamışdı. Jurnalistin həmkarlar və hərəkatdan olan tərəfdaşları hesab edirlər ki, Babalıya siyasi fəaliyyətdən imtina etməsi məqsədilə təzyiq göstərilir. Xüsusən, Babalı şəhərdə ReAl toplantılarının təşkilatçısı olub və hakimiyyət dəfələrlə onu hərəkatın işində iştirakına son qoymağa çağırıb. -02В-
Cəmiyyət
-
Dekabrın 12-də axşam saatlarından etibarən 13-ü səhərə qədər paytaxtda yağış gözlənilir. Ayın 14-də yağış qara çevriləcək, bu barədə Milli Hidrometeorologiya Xidmətinin sinoptikləri məlumat yayıb.
-
Səhiyyə Nazirliyində saxta plastik cərrahların fəaliyyətinin araşdırılması üçün işçi qrup yaradılıb. Bu barədə jurnalistlərə nazir Teymur Musayev bildirib.
-
Dövlət reyestrinə daxil edilməyən dərman vasitəsinin reseptə yazılmasına görə vəzifəli şəxslər (həkimlər) cərimələnəcək. Bunu edən həkimlərə 100-dən 150 manatadək, hüquqi şəxslərə isə 300-dən 400 manatadək cərimə nəzərdə tutulub. Bu, İnzibati Xətalar Məcəlləsinə əlavə kimi təklif edilən yeni -221.12-ci maddədə əksini tapıb.
-
Ölkənin lider mobil operatoru ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib Azercell-in daxili siyasət və prosedurlarının ISO 37001:2016 standartına uyğunluğu, şirkətin fəaliyyətinin şəffaflıq prinsiplərinə əsaslandığı beynəlxalq ekspertlər tərəfindən bir daha təsdiqlənib. Sertifikatlaşma auditini 16 oktyabr 2024-cü il tarixində ABŞ-ın ən böyük akkreditasiya qurumu olan ANAB-ın (ANSI National Accreditation Board) akkreditə etdiyi Türkiyənin Denetik Belgelendirme şirkəti həyata keçirib. Auditin nəticələri Azercell-in antikorrupsiya proqramının bütün tələblərinə cavab verdiyini bir daha sübut edib.
Rəy yaz