![Polis rəisi fəhlələrin zəhmət haqqını verməkdən imtina edir](https://turan.az/resized/./turan-750-500-resize.webp)
Polis rəisi fəhlələrin zəhmət haqqını verməkdən imtina edir
Ucar rayon sakini İlyas Əhmədov Oğuz rayon polis şöbəsinin rəisi Tahir Quliyevin ailəyə məxsus maliyyə vəsaitini verməməsindən şikayət edir.
Onun sözlərinə görə, bu ilin yanvar-iyun aylarında özü, atası, iki qardaşı və daha 10 nəfər fəhlə olmaqla Bərdə rayonunda polis rəisinə məxsus “Qızıl balıq” hotel-restoranının tikintisində kafel-metlax və taxta işləri aparıblar. 5 ha-dan çox ərazini əhatə edən həmin hotel -restoranda böyük binalar, 15 ədəd kotec, çoxsaylı köşklər olub. Rəis bütün işlərə görə Əhmədovlar ailəsinə 7250 manat pul verməliymiş.
İşlər tamam olduqdan sonra T Quliyevdən pullarını istədikdə rəis bu adamları həbs edəcəyilə hədələyib. Rəis pulları vermədiyi üçün İ.Əhmədov ailəyə məxsus “Ford” markalı maşını 5500 manata sataraq fəhlələrin pulunun bir hissəsini verib.
T.Quliyevin 10 min başdan çox qoyun sürüsünə, Bərdədə iki quşçuluq broylerinə sahib olduğunu deyən İ.Əhmədov bu qədər varidatın müqabilində 4 nəfər şəxsin zəhmət haqqını mənimsədiyini bildirir.
İ.Əhmədov mətbuata bu müraciətə qədər dövlət başçısına, nazir Ramil Usubova müraciət ünvanlayıb.
“Milyonlarla manat var-dövləti olan T.Quliyevin bizə olan borcunu almaqda bizə kömək edin”, - Əhmədovlar ailəsi qeyd edir.
DİN mətbuat xidmətindən Turan-a bildirilib ki, əgər nazirə müraciət edilibsə araşdırılıb cavab verilər, yox müraciət olmayıbsa, müraciət edilsin və məsələ araşdırılsın.-05D-
-
- Cəmiyyət
- 23 Sentyabr 2015 14:08
-
- İqtisadiyyat
- 23 Sentyabr 2015 15:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz