Bakı/20.08.22/Turan: Bakının Nəsimi Rayon Polis İdarəsinin post-patrul xidmətinin əməkdaşı, polis serjantı Seymur İmanov Azərbaycan Xalq Cəbhəsi Partiyasının üzvü Gülnarə Rəhimovanın barəsind xüsusi ittiham qaydasında şikayət verib. O, qızın Azərbaycan Cinayət Məcəlləsinin 147-ci (böhtan) və 148-ci (təhqir) maddələrilə məsuliyyətə cəlb olunmasını tələb edir. Bu maddələrin hər biri 6 ayadək azadlıqdan məhrumetmə də daxil olmaqla, cəza nəzərdə tutur.
Şikayətə avqustun 11-də Rəhimovanın Facebook sosial şəbəkəsində dərc olunmuş paylaşımı səbəb olub.
https://www.facebook.com/photo/?fbid=2032278610493742&set=a.124160501305572
İyulun 20-də Nazirlər Kabinetinin qarşısında “Sərhədləri açın!” tələbilə keçirilən aksiya zamanı Rəhimovanı “İçərişəhər” metrostansiyasının yaxınlığında saxlayıblar. Qızın dediklərinə görə, o, özü ilə birlikdə 41-ci polis bölməsinə aparılan Əziz Məmiyevin orada döyüldüyünün şahidi olub.
Hələ o zaman bu barədə Facebook-da yazıb.
Avqustun 11-də isə Rəhimova Məmiyevin döyülməsində iştirak edən serjant İmanovun fotosunu paylaşıb.
Rəhimova hesab edir ki, onun yazısında nəşrində təhqir və ya böhtan olmayıb.
“Bu şikayətdə məqsəd etiraz aksiyalarında iştirak etdiyimə və hökuməti tənqid etdiyimə görə mənə təzyiq göstərməkdir”,- Rəhimova Facebook səhifəsində yazıb.
“Müdafiə xətti” hüquq- müdafiə təşkilatı Rəhimovanın işini nəzarətə götürüb.
“Müdafiə xətti” qeyri-hökumət təşkilatının üzvü Zəfər Əhmədovun sözlərinə görə, Rəhimovanın yazısında təhqir və ya böhtan əlaməti yoxdur.
Şərhlərin məzmununa görə isə postu dərc edən istifadəçi məsuliyyət daşımır", - Əhmədov Turan agentliyinə bildirib.
Xüsusi ittihamçı İmanovdan şərh almaq mümkün olmayıb.
Qeyd edək ki, Gülnarə Rəhimova etiraz aksiyalarında fəal iştirakı ilə tanınır, bu səbəbdən dəfələrlə saxlanılıb və cərimələnib. -06B-
Cəmiyyət
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
Rəy yaz