Foto Turan
Bakı/23.12.22/Turan: Saat 15:00-da Bakının mərkəzində fəal Bəxtiyar Hacızadənin həbsinə etiraz aksiyasının onlarla iştirakçısı hakimiyyətin icazə vermədiyi mitinqə başlayıb. Onlar Bəxtiyar Hacıyevin azad edilməsini tələb edir və "Bəxtiyar Hacıyevə azadlıq!", "Öldürmə, azad et!", "Siyasi məhbuslara azadlıq!", "Azadlıq, ədalət, milli hökumət!" şüarları səsləndirir.
Aksiya iştirakçıları müxtəlif tərəflərdən bir neçə nəfərlik qruplar şəklində Fəvvarələr Meydanına çıxırlar və polis onları saxlamağa çatdırmır. Bir qrup saxlanılana qədər digər qrup aksiyaya başlayır. Bu taktika aksiyanı fasiləsiz keçirməyə imkan verir. Saat 15:30-a olan məlumata görə, 30-dan çox iştirakçı saxlanılıb.
Bəzi internet resursları aksiyanı canlı yayımlayır. Polis "Amerikanın Səsi" radiosunun Azərbaycan xidmətinin reportyoru Türkan Bəşiri də saxlayıb. Jurnalist həmkarlarının onu buraxdırmaq cəhdləri nəticə verməyib. Polis Türkanın jurnalist vəsiqəsinə də məhəl qoymayıb. 06В
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz