![Prezident Administrasiyasına dəvət olunan redaktorlar dövlət məmurlarının övladlarını şantaj ediblər](https://turan.az/resized/750/500/resize/media/2016/main/121200177565.jpg)
Prezident Administrasiyasına dəvət olunan redaktorlar dövlət məmurlarının övladlarını şantaj ediblər
“Həbs olunan reket jurnalistlər son 10 ildə qeyri-qanuni fəaliyyətlə məşğul olublar”, - Dövlət Təhlükəsizlik Xidmətinin (DTX) rəisi Mədət Quliyev jurnalistlərə bildirib.
Ötən həftə DTX azı üç sayt rəhbərini saxlayıb.
“Dövlət Təhlükəsizlik Xidməti əməkdaşlarının keçirdikləri əməliyyat zamanı həbs olunan reket jurnalistlər son 10 ildə qeyri-qanuni fəaliyyətlə məşğul olublar. Müəyyən vəzifəli insanların uşaqları ilə bağlı qanunsuz çəkilişlər aparıblar”, - M.Quliyev qeyd edib.
Onun sözlərinə görə, həmin şəxslər bu cür videogörüntülərlə bəzi şəxslərdən pul tələb ediblər.
“Bununla bağlı Dövlət Təhlükəsizlik Xidmətində cinayət işi qaldırılıb və məsələyə hüquqi qiymət veriləcək”, - DTX rəisi vurğulayıb.
O həmçinin bildirib ki, DTX qısa müddət ərzində cinayətkarların, casusların məhv edilməsi ilə nəticələnən 4 əməliyyat keçirib.
M.Quliyevin sözlərinə görə, bu istiqamətdə Azərbaycanın xüsusi xidmət orqanları tək işləmir: “Biz digər dövlətlərin təhlükəsizlik xidməti orqanları ilə birgə işləyirik. Onlarla məlumat mübadiləsi edirik. Əməkdaşlarımız cinayətkar dəstələrin üzvlərini saxlayarkən silahlı müqavimətlərlə üzləşiblər və onların qarşısı qətiyyətlə alınıb”.
M. Quliyevin sözlərinə görə, bu il ərzində DTX-nin 500-dən artıq əməkdaşı xidmətdən xaric olunub. Xidmətdən xaric olunan işçilərdən 20 nəfərdən çoxunun barəsində cinayət işi başlanıb.
“Bu, təbii prosesdir. Çünki xidmətdə təmizləmə prosesi aparılır”, - xidmət rəisi qeyd edib.
Qeyd edək ki, Meydan.TV DTX-nin həbs etdiyi iki redaktorun - Surxay Əliyev və Habil Vəliyevin 2014-cü ilin avqustunda Prezident Administrasiyasının rəhbəri Ramiz Mehdiyevin keçirdiyi müşavirədə iştirakını əks etdirən foto dərc edib.
Bir sual açıq qalır: bundan öncəyə qədər Mətbuat Şurasının “qara siyahı”ya daxil etdiyi bu nəşrlərin rəhbərlərini Prezident Administrasiyasına kim dəvət edib?—03B06--
-
- İqtisadiyyat
- 12 Dekabr 2016 13:04
-
- İqtisadiyyat
- 12 Dekabr 2016 14:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz