![Prezidentin mühafizə xidmətindəki özbaşınalıqları tənqid edən zabit həbs olunub](https://turan.az/resized/media/2012/main/083000009222-750-500-resize.webp)
Prezidentin mühafizə xidmətindəki özbaşınalıqları tənqid edən zabit həbs olunub
Mətbuatda dəfələrlə Xüsusi Dövlət Mühafizə Xidmətində (XDMX) korrupsiya faktlarını ifşa etmiş bu qurumun keçmiş zabiti Asif Lətifov bu gün Bakı Hərbi Məhkəməsinin qərarı ilə həbs edilib.
Baş leytenant A.Lətifov CM-in 228.1 (qanunsuz silah və döyüş sursatları saxlama, daşıma) və 232.2.3-cü (hədə və vəzifə mövqeyindən istifadə yolu ilə silah və döyüş sursatı tələb etmə) maddələri üzrə ittiham olunub. Bu barədə Turan-a onun anası Gülnaz Lətifova bildirib. O, ittihamları uydurma hesab edir.
Ananın sözlərinə görə, Asifin günahı ondadır ki, 2011-ci il martın 5-də hava limanında “AK-762” avtomatının gülləsini tapıb və onu öz rəisinə, “Betta” dəstəsinin komandiri polkovnik Fikrət Rzayevə təhvil verməyib, növbəti gün XDMX daxili təhqiqatlar şöbəsinə verib.
G.Lətifova hesab edir ki, güllənin itirilməsinə görə komandiri mühakimə etmək əvəzinə onun oğlunu həbs ediblər. O həmçinin qeyd edib ki, F.Rzayevin məsuliyyətdən uzaqlaşdırılmasına səbəb onun prezidentin şəxsi mühafizə xidmətinin rəisi Bəylər Əyyubovun yaxın qohumu olmasıdır.
Bundan əvvəl A.Lətifov mətbuatda F.Rzayevi səriştəsizlikdə, zabitlərin aylıq əmək haqqından pul tələb etməkdə ittiham edib. Eyni zamanda o, XDMX-də qohumbazlıq və yerlibazlığın baş alıb getdiyini bildirmişdi.—06B—
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz