Prokuror Hüseyn Abdullayevin 8 il azadlıqdan məhrum edilməsini istəyir
Bakı/19.09.19/Turan: Bakı Hərbi Məhkəməsində keçmiş biznesmen və parlamentin keçmiş deputatı Hüseyn Abdullayevin işi üzrə proses bşa çatır.
İş üzrə onun anası Zeynəb Abdullayeva da keçir. O, başqa yerə getməmək barədə iltizam altındadır. İşə Hərbi Məhkəmədə baxılır, çünki 7 müttəhimin arasında hərbçi-sərhədçilər də var.
Cinayət işi "qanunsuz sahibkarlıq", "dələduzluq", "hədə yolu ilə pul tələb etmək", "vergi ödəməkdən yayınmaq", "sərhəddi qanunsuz keçmək" və s. maddələrlə açılıb.
Sentyabrın 19-da keçirilən iclasda prokuror H.Abdullayevin 8 il azadlıqdan məhrum edilməsini istəyib.
Prokuror iş üzrə keçən digər üç nəfərin 6 ildən 8 ilədək azadlıqdan məhrum edilməsini, H.Abdullayevin anasının isə 5 min manat cərimələnməsini istəyib.
H.Abdullayev prokurorun çıxışına emosional şəkildə reaksiya verərək bildirib onun ittihamları saxtalaşdırdığını bildirib. Hakim H.Abdullayevin zaldan çıxarılmasını tələb edib..
H.Abdullayevin anasının halı pisləşib və məhkəməyə təcili yardım həkimləri çağırılıb. Onların müdaxiləsindən sonra qadının durumu normallaşıb.
*Naxçıvan bölgəsindən olan Hüseyn Abdullayev 1990-cı illərdə neft və neft məhsulları ilə əlaqədar biznesdə aparıcı mövqe tutub. Onun nəzarətində olan bir qrup gənc müxalifətin etiraz mitinqlərinin dağıdılmasında iştirak edib.
2005-ci ildə H.Abdullayev parlamentin deputatı olub və Nazirlər Kabinetinin fəaliyyətini tənqid edib. 2007-ci ilin martında parlament iclasında hakimiyyətyönlü deputat Fəzail Ağamalı H.Abdullayevi münaqişəyə təhrik edib.
Lakin təkcə H.Abdullayevi cəzalandırıblar. Öncə onu həbs ediblər, sonra xuliqanlığa görə 2 il azadlıqdan məhrum ediblər.
2013-cü ildə Azərbaycandan gedib. Bir müddət sonra ona qarşı vergi ittihamı ilə cinayət işi qaldırılıb.
Almaniyada yaşayan H.Abdullayev kütləvi etirazlara çağıran bir sıra mahnı yazıb və sosial şəbəkələrdə paylaşıb.
2018-ci il aprelin 22-də Almaniyadan Türkiyəyə gəldikdən sonra orada saxlanılıb Azərbaycana ekstradisiya edilib.
Bakıda onu CM-in 192.2.2 (qanunsuz sahibkarlıq, külli miqdarda gəlir əldə etməklə ), 178.2.1 (dələduzluq), 178.2.2, 178.2.4 (dələduzluq), 182.2.1 (bir qrup şəxslə qabaqcadan əlbir olaraq hədə yolu ilə tələbetmə), 182.2.2 (həmin hərəkətlər təkrar törədildikdə) və 182.2.4 (həmin hərəkətlər təkrar törədildikdə, zərərçəkənə külli miqdarda ziyan vurmaqla) maddələri ilə ittiham olunub.
Fevralın 1-də müttəhimin anası Zeynəb Abdullayeva prezident İlham Əliyevə müraciət edərək oğluna qarşı mərhəmət və humanizm göstərməyi xahiş edib. O, özünün yaşlı olmasını, oğlunun səhhətində ciddi problemlərin olmasını nəzərə almağı xahiş edib.-06D-
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz