Açiq mənbələrdən foto.
Prokuror “İŞİD-in maliyyələşdirilməsi” işi üzrə təqsirləndirilənlərin uzun müddətə mühakimə olunmalarını istəyir
Bakı/27.04.21/Turan: Bu gün Bakı Ağır Cinayətlər Məhkəməsində terrorizmin maliyyələşdirilməsində ittiham olunan bir qrup şəxsin işi üzrə prosesdə prokurorun yekun çıxışı olub. Dövlət ittihamçısı müttəhimlərin 9 ildən 18 ilədək müddətə cəzalandırılmasını təklif edib.
Məsələn, prokuror Samir Qurbanovun 18, Amin Həsənovun 17, Əflatun Bayramovun 16, Babək Məmmədlinin və Tehran Qasımovun 15, Cavid Əmənovun 14, Elgün İsmayılovun 10, Ələddin İbişovun 9,5, Yusif İmanovun, Orxan Qurbanovun, Şəhriyar Cabbarovun 9 il müddətinə azadlıqdan məhrum edilməsini məhkəmədən xahiş edib.
Təqsirləndirilən şəxslərin məhkəmənin qarşısına toplaşmış qohumları prokurorun çıxışını etirazla qarşılayıblar. Onların sözlərinə görə, təqsirləndirilən şəxslər artıq 2 aydır ki, əsassız hesab etdikləri cinayət təqibinə etiraz olaraq aclıq keçirirlər.
Növbəti məhkəmə iclası mayın 4-nə təyin edilib.
Bu iş üzrə keçənlər: Ələddin İbişov, Şəhriyar Cabbarov, Əflatun Bayramov, Elgün İsmayılov, Tehran Qasımov, Orxan Qurbanov, Amin Həsənov, Cavid Əmənov, Yusif İmanov, Samir Qurbanov və Babək Məmmədli bir neçə il öncə Suriyada müharibədə qanunsuz silahlı birləşmələrin tərkibində iştirak ittihamı ilə həbs olunublar. Onlar Cinayət Məcəlləsinin 167-2.2.1-ci (qanunsuz olaraq dini təyinatlı ədəbiyyatın istehsalı, idxalı, yayılması), 167-3.1-ci (dini ekstremist ədəbiyyatın qanunsuz dövriyyəsi), 214 (terrorçuluq) və 218-ci (cinayətkar birlik (təşkilat) yaratma) maddələri ilə təqsirləndirilirlər.
Məhkəmə prosesi 2020-ci ilin fevralında başlayıb, lakin pandemiyaya görə proses uzun müddət dayandırılıb.
Proses bu il bərpa olunub və iclasların birində müttəhimlər əsassız həbsə etiraz edərək özlərinə kəskin xəsarətlər yetiriblər.–30B-
-
- Foto sessiyalar
- 27 Aprel 2021 14:34
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz