Фото: Экс-руководство минсвязи
Prokuror Rabitə Nazirliyinin yüksək vəzifəli işçilərini uzunmüddətli həbs cəzalarına məhkum etməyə çağırıb
Bakı/19.05.17/Turan: Cümə günü Bakı Ağır Cinayətlər Məhkəməsində Rabitə Nazirliyinin yüksək vəzifəli işçilərinin işi üzrə prosesdə prokurorun çıxışı olub.
Dövlət ittihamısı Fərid Nağıyev məhkəmədən Rabitə Nazirliyinin aparat rəhbəri Vidadi Zeynalovu 14 il müddətinə azadlıqdan məhrum etməyə çağırıb.
O, həmçinin "Bakı telefon rabitəsi" İB-nin keçmiş baş direktoru Beytulla Hüseynovun 15 il, bu müəssisənin keçmiş baş mühasibi Anar Mustafayevin 8 il, "Azərpoçt" ASC-nin keçmiş baş direktoru Qəmbər Bəybalayevin 10 il, "Optik rabitə, tikinti və montaj" ASC-nin keçmiş direktoru Emin Məmmədovun 12 il, Rabitə Nazirliyinin "Optik qurğular" idarəsinin keçmiş rəisi Namazəli Məmmədovun 12 il müddətinə azadlıqdan məhrum edilməsini təklif edib.
Prokuror elə həmin sahədə məsul vəzifələrdə işləyən daha beş nəfər barəsində 3 il şərti azadlıqdan məhrumetmə cəzası kəsməyi və onları məhkəmə zalından azadlığa buraxmağı təklif edib.
Prokuror həmçinin təqsirləndirilən şəxslərin üzərinə həbs qoyulmuş əmlaklarının dövlətə vurulan ziyanın ödənilməsinə istiqamətləndirilməsini təklif edib. Növbəti məhkəmə iclası mayın 24-nə təyin edilib.
* 11 müttəhim 153 mln. 143 min manatın mənimsənilməsində və israf edilməsində ittiham olunur. İş materiallarına əsasən, Rabitə Nazirliyinə tabe olan idarələrdə təmir-tikinti işləri, avadanlıq alınması xərcləri şişirdilir, tenderlər formal keçirilir, sifarişlərin icrası özlərinə aid şirkətlərə tapşırılırdı. -16D06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz