Bu gün Abşeron rayon məhkəməsində jurnalist Seymur Həzinin işi üzrə prokuror çıxış edib. O, Həzinin 6 il, digər təqsirləndirilən şəxs Məhərrəm Həsənovun 9 ay müddətinə azadlıqdan məhrum edilməsini istəyib.
Bu barədə Turan-a vəkil Adil İsmayılov bildirib.
Məhkəmənin növbəti iclası yanvarın 27-nə təyin edilib. Həmin iclasda vəkillərin və təsqsirləndirilən şəxslərin çıxışları gözlənilir. Vəkil həmin gün hökm çıxarılacağını istisna etmir.
Müdafiə tərəfi hesab edir ki, Həziyə qarşı planlaşdırılmış təxribat törədilib və jurnalist peşə fəaliyyətinə görə təqib olunur.
Xatırladaq ki, 29 avqust 2014-cü ildə avtobus dayanacağında Məhərrəm Həsənov jurnalistə yaxınlaşıb və facebook-da ona yazmamaq tələbi ilə onu təhqir etməyə başlayıb. Daha sonra o, yumruqla Həziyə hücum edib və onu döyməyə başlayıb. Özünümüdafiə məqsədilə Həzi hücum edən şəxsi əlindəki butılka ilə vurub. Elə həmin vaxt polis gəlib, Həzini saxlayıb və şöbəyə aparıb.
Seymur Həzi müxalif “Azadlıq” qəzetinin aparıcı icmalçılarından biri, həmçinin ölkə hakimiyyətini kəskin tənqid edən “Azərbaycan saatı” İnternet TV-nin aparıcısıdır. -1606D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz