Bu gün Bakı Ağır Cinayətlər Məhkəməsində Bakının Xətai rayonunda 10 mərtəbəli yaşayış binasında yanğınla bağlı ittiham olunanların işi üzrə məhkəmə prosesi keçirilib.
Xatırladaq ki, Bakıda bir neçə eynitipli yanğın baş verib, yaşayış binalarının poliüretan örtüyü yanıb.
2015-ci il aprelin 10-da Zığ şossesində 10 mərtəbəli evdə baş verən yanğında 3 nəfər xəsarət alıb.
Ötən ilin mayında bu iş üzrə üzləməni həyata keçirən TNH şirkətinin faktiki rəhbəri Fərid Sadıqov, bu firmanın direktoru Zaur Əşrəfov və onun inşaat işləri üzrə müavini Nüsrət Muxtarov cinayət məsuliyətinə cəlb olunub.
Onlara qarşı CM-in 225.2 (yanğın təhlükəsizliyi tələblərinin pozulması) və 308.2-ci (vəzifə səlahiyyətlərindən sui-istifadə) maddələri ilə ittiham irəli sürülüb. Məhkəmənin qərarı ilə onlar həbs edilib.
Bu gün məhkəmədə dövlət ittihamçısı Cinayət Məcəlləsinin 70-ci maddəsini tətbiq edərək, Sadıqovu və Əşrəfovu 3 il şərti azadlıqdan məhrumetmə cəzasına məhkum etməyi və onları məhkəmə zalından azadlığa buraxmağı təklif edib.
Prokuror həmçinin vəfat etmiş təqsirləndirilən şəxs Muxtarov barəsində cinayət işinə xitam verilməsini xahiş edib.
Vəkillər təqsirləndirilən şəxslərə bəraət verilməsini xahiş ediblər.
Təqsirləndirilən şəxslər özləri son sözə hazırlaşmaq üçün vaxt istəyiblər.
Proses dekabrın 30-da davam edəcək. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz