Baku/17.05.17/Turan: Azərbaycan Baş Prokurorluğu "anaxeber.az" internet portalına xəbərdarlıq edib.
Xəbəri Baş Prokurorluq yayıb.
Xəbərdə bildirilir ki, prokurorluq sözügedən xəbər portalının müxtəlif vaxtlarda dərc olunmuş məqalələrdə dövlət sirri haqqında, eləcə də cinayət və cinayət-prosessual qanunvericiliyin müddəalarını pozduğunu müəyyən edib.
Açıqlamada deyilir ki, həmin internet resursunda "həqiqətə uyğun olmayan, dəqiqləşdirilməmiş və dövlət orqanlarının rəsmi məlumatlarına əsaslanmayan dövlət sirri təşkil edən məlumatlar ictimailəşdirilib. Portaldakı məqalələrdə ibtidai araşdırma məlumatlarının qanunsuz olaraq yayılmasına yol verilib".
Prokurorluq bildirir ki, bununla əlaqədar olaraq portalının baş redaktoru Azər Talıbov Baş Prokurorluğa dəvət edilib.
"Prokurorluq haqqında" qanuna uyğun olaraq baş redaktorun diqqətinə dövlət orqanlarının mətbuat xidmətləri ilə dəqiqləşdirmə aparılmadan informasiyaların yayıldığı çatdırılıb. Ondan dövlət sirri təşkil edən məlumatların və ibtidai araşdırma məlumatlarının qanunsuz olaraq ictimailəşdirilməsinə son qoyulması tələb edilib.
Baş Prokurorluq bildirir ki, belə hallar davam etsə daha ciddi tədbirlər görüləcək.
Baş Prokurorluq tez-tez media və jurnalistlərə belə xəbərdarlıqlar edir.
Bir çox ekspertlər bunu jurnalistin peşə fəaliyyətinə müdaxilə kimi dəyərləndirir. Ekspertlərin fikrincə, prokurorluğun xəbərdarlıqları, jurnalistləri sorğu-sual etməsi onları doğruları yazmaqdan çəkindirir.
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz