Prokurorluq Hilal Məmmədova qarşı işgəncələrə dair cinayət işi qaldırmaqdan imtina edib

Avqustun 29-da Nəsimi Rayon Məhkəməsində iyunun 21-də həbs olunmuş  “Tolışi sado” qəzetinin redaktoru, professor Hilal Məmmədovun qeyri-insani davranışla (işgəncə) bağlı iddiası üzrə məhkəmə prosesi keçirilib.

Məhkəmənin açıq rejimdə keçiriləcəyi və arzu edənlərin ora buraxılacağı  gözlənilsə də, hakim Emin Mehdiyev məhkəmənin qapalı keçirilməsi barədə qərar qəbul edib və iclası zirzəmi kimi yerdə keçirib.

Jurnalistlər və H.Məmmədovun hüquqlarını Müdafiə Komitəsinin üzvləri məhkəmənin qərarını küçədə gözləməli olublar. Yarım saatdan sonra, saat 13.00-da vəkil Yalçın İmanov 

bildirib ki, iclas başa çatıb  və məhkəmə qərar qəbul etmək üçün məşvərətə gedib. E.İmanov həmçinin bildirib ki, avqustun 27-də baş prokurorun müavini Usubov qeyri-insani davranış faktı üzrə cinayət işinin qaldırılması barədə vəsatətdən imtina edib. Şikayətin mahiyyətinə gəlincə, “bu, ondan  ibarətdir ki, ilk iki gün H.Məmmədovu yeməkdən və sudan məhrum ediblər”, - vəkil vurğulayıb.

Adətən siyasi iclaslar üzrə operativ qərarlar qəbul edən Azərbaycan məhkəməsi bu dəfə nədənsə ləng tərpənib, yalnız 4  saatdan sonra elan edilib ki, şikayət təmin olunmayıb. 

* “Talişi sədo” qəzetinin baş redaktoru və Talış Mədəniyyət Mərkəzinin sədr müavini H.Məmmədov  iyunun 21-də qanunsuz narkotik vasitə saxlamaq ittihamı ilə həbs edilib. İyulun 4-də isə ona qarşı 274-cü maddə ilə (dövlətə xəyanət) və 283.2.2. (milli, irqi, sosial və dini nifrət, düşmənçilik və etnik ayrı-seçkilik) yeni ittihamlar irəli sürülüb.

Yerli və beynəlxalq demokraitk ictimaiyyətin əqidəsinə görə, H.Məmmədov fəal vətəndaş mövqeyinə və hüquq müdafiə fəaliyyətinə görə siyasi əsaslı təqiblərə məruz qalır. 

H.Məmmədov İnternetdə populyar olan "Tı kto takoy? Davay, do svidaniya" videoçarxının müəllifidir. -0-