İqtisadi İnkişaf Nazirliyi Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin əməkdaşları “Budad Food Company” MMC-yə məxsus 12 min litr kvası məhv edib. Şirkət rəhbərliyi ittihamlarla razı deyil və müdafiə tədbirləri görməyi planlaşdırır.
İİN mətbuat xidmətində Turan-a deyiblər ki, məhv edilən məhsul istifadə üçün yararsız olub.
Bu, “Budad Food Company” şirkətinin sərinləşdirici içkiləri ilə bağlı ikinci haldır. Ötən ilin iyulunda İİN bu şirkətin “reseptsiz və texnoloji təlimatsız istehsal edilən, müvafiq markalanması olmayan” 58,1 min ton məhsulunu məhv edib.
“Budad Food Company” MMC-nin rəhbərliyində Turan-a deyiblər ki, şirkətin ünvanına ittihamların əsası yoxdur və yaxın günlərdə İİN strukturunun qanunsuz əməli barədə rəsmi mövqe açıqlanacaq.
Qeyd edək ki, “Budad Food Company”də yoxlama avqustun əvvəlindən başlayıb. Vicdanlı rəqabət tələbinin pozulması ilə bağlı şirkətə 4600 manat maliyyə sanksiyası tətbiq edilib. 08B
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz