İyulun 21-də Nabran Holiday Village akvaparkında (Bakıdan 200 km məsafədə) azyaşlı uşağın başına gələn bədbəxt hadisə ilə əlaqədar cinayət işi açılıb.
Qeyd edək ki, iki yaşlı İmran Cəfərzadə hovuzda çimərkən nasos sistemi onu çəkib, nəticədə uşağın hər iki ayağı qopub.
Baş Prokurorluğun mətbuat xidmətinin məlumatında qeyd edilir ki, Xaçmaz rayon prokurorluğunda araşdırma aparılıb. İmran Cəfərzadənin texniki qurğu (nasos) işə salınarkən atası ilə birlikdə hovuzda olduğu müəyyən edilib. Qoruyucu barmaqlıq olmadığı üçün, uşağın hər iki ayağı həmin borunun içərisinə daxil olaraq ağır bədən xəsarətləri alıb, deyə Baş Prokurorluğun mətbuat xidmətinin məlumatında bildirilir.
Faktla bağlı Xaçmaz rayon prokurorluğunda 162.1 (əmək mühafizəsi qaydalarını pozma) və 314.2-ci (səhlənkarlıq) maddələri ilə cinayət işi başlanıb. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz