Son vaxtlar uşaqların yaşadıqları mənzillərin eyvan və pəncərələrindən yıxılaraq ölməsi ilə əlaqədar DİN və Baş Prokurorluq valideynləri ayıq olmağa çağırıb.
DİN və Baş Prokurorluğun birgə məlumatında valideynlərin diqqətsizliyi və səhlənkarlığı səbəbindən uşaqların mənzillərin eyvan və pəncərələrindən yıxılaraq ölməsi ilə bağlı faktlar açıqlanır.
Belə ki, mayın 12-də Nizami rayonunda 3 yaşlı İsa Vəliyev, mayın 28-də 3 yaşlı Jalə İbrahimova, iyunun 28-də Binəqədi rayonunda 2 yaşlı İmran Quliyev, iyulun 3-də 5 yaşlı Nadir Xəlilov və iyulun 10-da Pirallahı rayonunda 2 yaşlı Arzu Abışzadə həlak olub.
Qeyd olunan faktlar üzrə müvafiq rayon prokurorluqlarında Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işləri başlanmış və istintaq aparılır.
Hüquq-mühafizə orqanları belə bədbəxt hadisələrin qarşısının alınması üçün valideynləri xüsusən azyaşlı övladlarına qarşı daha diqqətli və məsuliyyətli olmağa çağırır.—06D--
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz