Bakı/25.05.17/Turan: Azərbaycan Baş Prokurorluğu "Hürriyyət" qəzetinə xəbərdarlıq edib. Bu haqda açıqlamanı Baş Prokurorluq yayıb.
Açıqlamaya görə, araşdırmalar zamanı prokurorluq müəyyən edib ki, qəzetdə və qəzetin İnternet versiyasında dövlət sirri, eləcə də cinayət-prosessul qanunvericiliyin tələbləri kobud şəkildə pozulub. Bununla da ölkənin təhlükəsizliyinə ziyan vura biləcək informasiyalar ictimailəşdirilib.
Açıqlamada deyilir ki, qeyd olunanlarla bağlı qəzetin baş redaktoru Vüqar Məmmədov Baş Prokurorluğa dəvət edilib və pozuntular nəzərinə çatdırılıb. "Gələcəkdə qanunvericiliyin tələblərinə zidd məlumatların yayılmasının davam etdiriləcəyi təqdirdə barəsində cinayət məsuliyyəti də daxil olmaqla, qanunvericilikdə nəzərdə tutulmuş daha ciddi tədbirlər görüləcəyi barədə rəsmi xəbərdarlıq edilib", - açıqlamada deyilir.
Xatırladaq ki, buna qədər basta-info saytının baş redaktoru Mustafa Hacıbəyli Baş Prokurorluqdan belə xəbərdarlıq alıb.
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz