![PS.Nota qəzetinin baş redaktoru Sərdar Əlibəyli 4 il müddətinə azadlıqdan məhrum edilib](https://turan.az/resized/media/2013/main/111300057379-750-500-resize.webp)
PS.Nota qəzetinin baş redaktoru Sərdar Əlibəyli 4 il müddətinə azadlıqdan məhrum edilib
Bu gün Xətai rayon məhkəməsində xuliqanlıqda ittiham olunan PS.Nota qəzetinin və www.psnota.com saytının baş redaktoru Sərdar Əlibəylinin işi üzrə proses başa çatıb.
Əlibəyli yekun çıxışında bildirib ki, hakimiyyətin ünvanına tənqidi nəşrlərinə görə siyasi motivlərlə təqib olunur.
Məhkəmə onu 221.3-cü (silah və ya silah qismində istifadə olunan alət tətbiq etməklə xuliqanlıq) maddə ilə təqsirli bilib və 4 il müddətinə azadlıqdan məhrum edib.
Prokuror məhkəmədən Əlibəylinin 5,5 il müddətinə azadlıqdan məhrum edilməsini istəmişdi.
Əlibəyli iyulun 31-də Namiq Əmirov adlı şəxsin şikayəti əsasında həbs edilib.
Əlibəyli tənqidi və təhqiredici nəşrlərə görə dəfələrlə cinayət təqibinə məruz qalıb.
Əlibəylinin həmkarları hesab edirlər ki, bu dəfə həbsə facebook-da dövlət başçısı İlham Əliyevin ünvanına tənqidi yazılar və kollaj, habelə siyasi mühacir İsa Sadıqovun şərləri səbəb olub. -06В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz