Putin Xodorovskini əfv etməyi vəd edib

Keçmiş YUKOS rəhbəri Mixail Xodorovski əfv haqqında xahiş verib. Prezident Vladimir Putin onu imzalamağı vəd edib, bu barədə RF prezidenti bugünki mətbuat konfransında bildirib.

“Mixail Borisoviç qanuna uyğun olaraq müvafiq kağız yazmalı idi, amma bunu etməmişdi, amma indi bu yaxınlarda o, bu kağızı imzalayıb və mənə əfv xahişi ilə müraciət edib. Artıq o, azadlıqdan məhrumetmə yerlərində 10 ildən çox qalıb, bu, ciddi cəzadır, o, humanitar xarakterli hallara istinad edir, anas xəstədir və hesab edirəm ki, qərar qəbul etmək olar. Yaxın günlərdə onun əfvi haqqında fərman imzalanacaq”, deyə dövlət başçısı jurnalistlərə bildirib.

Eyni zamanda, M.Xodorovskinin vəkili Vadim Klyuvqant bildirib ki, əfv haqqında heç nə bilmir və belə bir şey olduğundan şübhələnir. Əfv olmadan keçmiş YUKOS başçısı gələn ilin avqustunda azadlığa çıxmalıdır.

Kremldə mətbuat konfransı zamanı Putin həmçinin bildirib ki, “YUKOS-un üçüncü işində” perspektiv görmür. Söhbət müstəntiqlərin keçmiş biznesmenə qarşı növbəti iddialarının yaranması haqqında yayılmış məlumatdan gedir.

Rusiyanın ən məşhur siyasi məhbusu M.Xodorovski 2003-cü ilin oktyabrında saxlanılıb və vergi ödəməməkdə ittiham olunub. İki il sonra keçmiş oliqarx həbsxanaya göndərilib, onun şirkəti isə faktiki olaraq parçalanıb və satılıb. 2008-ci ildə M.Xodorovskiyə qarşı 1998-ci ildən 2004-cü ilə qədər 450 mlrd. rubl və 7,5 mlrd. dolları qanuniləşdirmək haqqında yeni ittiham irəli sürülüb. 2010-cu ilin dekabrında Moskva məhkəməsi onu yenidən təqsirli bilib və həbs müddətini 14 ilədək uzadıb, amma sonradan bu müddəti azaltmağa razılaşıb. -02D-