İlahiyyatçı Taleh Bağırzadənin apellyasiya şikayətinə baxılması qeyri-müəyyən müddətə təxirə salınıb. Bu, Bakı Apellyasiya Məhkəməsinin apellyasiya şikayətinə baxmaqdan imtina qərarından verilmiş kassasiya şikayəti ilə bağlıdır. Bu barədə Turan-a Bağırzadənin vəkili Cavad Cavadlı bildirib.
İndi Bakı Apellyasiya Məhkəməsində Bağırzadənin işinə baxılması Ali Məhkəmənin ilahiyyatçının kassasiya şikayəti üzrə qərarına qədər təxirə salınır.
Bağırzadə 31 mart 2012-ci il tarixində qanunsuz narkotik saxlamaq ittihamı ilə həbs edilib. Oktyabrın 31-də Sabunçu rayon məhkəməsi onu 2 il müddətinə azadlıqdan məhrum edib. Bağırzadə hesab edir ki, xütbələrinə və dindarların hüquqlarını müdafiə etdiyinə görə təqib olunur. -16D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz