![Qaçan məhbuslardan biri saxlanılıb](https://turan.az/resized/media/2017/main/102600005182-750-500-resize.webp)
Qaçan məhbuslardan biri saxlanılıb
Bakı/26.10.17/Turan: Oktyabrın 23-də Bakı şəhərinə etap zamanı müşayiət altından qaçmış 2 təqsirləndirilən şəxsdən biri saxlanılıb. Ədliyyə Nazirliyinin mətbuat xidmətinin məlumatına görə, oktyabrın 26-da Ədliyyə Nazirliyi Penitensiar Xidməti tərəfindən görülmüş kompleks əməliyyat-axtarış tədbirləri nəticəsində həbsdən qaçmış Əli Rasim oğlu Ağami tutularaq istintaq təcridxanasına yerləşdirilib.
Digər təqsirləndirilən şəxs E.Ə.Məmmədovun axtarışı istiqamətində zəruri tədbirlər davam etdirilir.
Məmmədov böyük ölçüdə narkotik vasitələrin qanunsuz dövriyyəsində ittiham olunurdu. Bundan əvvəl məhkumiyyəti olan Ağamiyə qarşı 120.2.2 (qəsdən adam öldürmə, xuliqanlıq niyyətilə törədildikdə) və 228-ci (qanunsuz odlu silah saxlama) maddələrlə yeni ittiham irəli sürülüb.
Ötən həftə ittiham tərəfi onların hər biri üçün 19 il həbs cəzası istəyib.
Qaçmaları ilə əlaqədar onlara qarşı 304.2.1-ci (bir qrup şəxsin əvvəlcədən əlbir olaraq, azadlıqdan məhrumetmə yerindən və ya müşaiyət altından qaçması) maddə ilə yeni ittiham irəli sürülüb.
Bu iş üzrə üç qarovul işçisi həbs edilib, Penitensiar xidmətin daha 10 əməkdaşı ədliyyə orqanlarından xaric edilib. -16D06-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz