Oktyabrın 11-də axşam Bakının Yasamal rayonunda tükürpədici hadisə baş verib. Dadaş Bünyadzadə küçəsi, 15 ünvanda yaşayan Nazilə Qulubəyova (1974-cü ildə anadan olub) 5 yaşlı oğlunu boğaraq öldürüb. Bu barədə polisə onun həyat yoldaşı Rövşən Qulubəyov məlumat verib.
Prokurorluq orqanlarından Turan-a bildiriblər ki, qadının bu ağır cinayəti törətməsinə səbəb dini sektanın üzvü olmasıdır. Belə ki, qadın saxlanılan zaman polisə deyib ki, uşağın bədənindən “şər ruhu” qovmaq üçün əski ilə boğub.
İstintaqın versiyasına görə, qadın Azərbaycanda yeni yaradılan dini sektalardan birinin üzvüdür. Cinayət işi qaldırılıb, istintaq gedir. Qadının psixoloji durumu yoxlanılacaq.
Bu hadisəni Turan-a şərh edən həkim-psixiatr Azad İsazədə deyib ki, radikal dini sekta üzvlərinin qeyri-adekvat davranışları geniş yayılmış haldır. Lakin indiki halda söhbət çox güman ki, qeyri-normal psixologiyadan gedir. Dəqiq cavab vermək üçün insanı müayinə etmək lazımdır. Ancaq bundan sonra uşağın ölüm səbəbini ananın sektada iştirakı ilə əlaqələndirmək olar. Psixiatrın sözlərinə görə, bu cür cinayətləri psixi durumu pozulmuş şəxslər törədə bilər.-16D-
Cəmiyyət
-
Azercell-in dəstəyi ilə şagirdlərimiz İT sahəsində uğurlu nəticələr göstərməyə davam edirlər Cari ilin sentyabr ayında məktəblilərimiz informatika fənni üzrə iki beynəlxalq olimpiadada ölkəmizi uğurla təmsil ediblər. Belə ki, 1-8 sentyabr 2024-cü il tarixlərində Misirin İsgəndəriyyə şəhərində məktəblilərin 36-cı Beynəlxalq İnformatika Olimpiadası (IOI), sentyabr ayının 8-12 aralığında isə Səudiyyə Ərəbistanın Ər-Riyad şəhərində dünyanın Birinci Beynəlxalq Süni İntellekt Olimpiadası (IAIO) baş tutub.
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
Rəy yaz