Qafqaz Müsəlmanları İdarəsi Nardaranda baş verən hadisələri pisləyib
Qafqaz Müsəlmanları İdarəsi (QMİ) Nardarnada baş verən hadisələri pisləyən bəyanat yayıb.
Sənəddə bu hadisələr ölkədə ictimai-siyasi sabitliyə zərbə, hüquqi- demokratik dövlətin əsaslarını sarsıtmaq kimi dəyərləndirlir və hadisəni “təxribatçılar”ın törətdiyi iddia edilir.
“Bu hadisəni dinlə bağlamaq cəhdlərini birmənalı rədd edir, bunu xaricdən və daxildən siyasi məqsədlərlə yönləndirilən, cəmiyyətdə nifaq salmaq, hakimiyyəti zorla dəyişdirmək cəhdi kimi dəyərləndiririk”, - bəyanatda qeyd edilir.
Müəlliflər bir qrup təxribatçının Nardaranda yerli camaata hər hansı aidiyyatı olmadığını bəyan edir. Qəsəbə sakinlərinin də bu hadisələrin əleyhinə olduqlarına əminlik ifadə edilir. “Taleh Bağırzadə və onun himayədarları tərəfindən yaradılmış “Müsəlman Birliyi” adlı qondarma qrupun dindarlara aidiyyatı yoxdur, QMİ tərəfindən dini qurum kimi tanınmır və dini təbliğat aparmaq səlahiyyətinə malk deyil”, - sənəddə vurğulanır.
QMİ dini mərkəz olaraq ölkə müsəlmanları adından hüquq-mühafizə və xüsusi xidmət orqanlarına bu “təxribatçılar”ın əməllərinə hüquqi qiymət verilməsini tələb edir. Müəlliflər din adı ilə fəaliyyət göstərən radikal qrupları bu hadisələrdən lazımi nəticələr çıxararaq öz məkrli niyyətlərinə son qoymağa çağırırlar.
Sənəddə hadisələr zamanı xidməti vəzifələrini yerinə yetirərkən şəhid olanlara Allahdan rəhmət dilənilir, ailələrinə başsağlığı verilir, yaralananlara şəfa istənilir.
Son olaraq müəlliflər belə təxribatçı cəhdlərin möhkəm təməl üzərində dayanan dövlətçiliyin əsaslarını sarsıda bilməyəcəyini bəyan edirlər.-05D-
-
- Siyasət
- 27 Noyabr 2015 13:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz