«Qafqaz» Universiteti neft məktəbi olacaq

Bu gün ləğv edilmiş özəl “Qafqaz” Universiteti Bakı Ali Neft Məktəbinin idarəçiliyinə verilib. Bu barədə SOCAR Dövlət Neft Şirkətinin vitse-prezidenti Xaliq Məmmədov bildirib.

O, öz facebook səhifəsində yazıb ki, Beynəlxalq Təhsil Mərkəzi “Qafqaz” Universitetini BANM-ə verib. Universitetin tələbələri təhsili, müəllimlər isə öz işini davam etdirəcəklər, deyə Məmmədov yazır.

Qeyd edək ki, bu gün Azərbaycan Təhsil Nazirliyi bildirib ki, universitetin “təsisçisi” iyulun 20-dən onun fəaliyyətinin dayandırılacağı barədə məlumat verib.

Maraqlıdır ki, Təhsil Nazirliyi universitetin təsisçisinin kim olduğunu və fəaliyyətini hansı səbəbdən dayandırdığını açıqlamayıb. Həmçinin, nazirlik minlərlə tələbə və müəllimin aqibətinin necə olacağını açıqlamayıb. Bunun yerinə ali məktəbin və onun müəllim-tələbə heyətinin taleyi haqqında neft şirkətinin vitse-prezidenti məlumat verir.

Məmmədovun və SOCAR-ın Təhsil Mərkəzinin ölkənin ali məktəblərinin taleyi haqqında məsələlərin həllinə hansı aidiyyatının olduğunu heç kim izah edə bilmir.

Xatırladaq ki, “Qafqaz” Universiteti Fətullah Gülen qurumlarına məxsus idi və onun bağlanması haqqında qərarı yalnız Azərbaycan hakimiyyəti verə bilərdi.

Напомним, что университет «Кавказ» принадлежал структурам Фатулла Гюлена и решение о  закрытии могло исходить только от властей Азербайджана. -02D-