Bakı/06.07.18/Turan: "İstək" litseylər şəbəkəsinin təsisçisi Təhsil Nazirliyinə müraciət edərək təhsil müəssisəsinin fəaliyyətinin dayandırılmasını xahiş edib. Təhsil Nazirliyinin bununla bağlı məlumatında bu qərarın səbəbləri açıqlanmır.
Təhsil Nazirliyi müəllimlərin və tələbələrin başqa təhsil müəssisələrinə köçürülməsilə bağlı məsələlərin həlli üçün işçi qrupun yaradıldığını bildirir.
Azərbaycanda "İstək" litseyləri 1990-cı illərin əvvəllərində türkiyəli din xadimi Fətullah Gülənin rəhbərlik etdiyi "Hizmət" Hərəkatının himayəsi ilə qlobal təhsil şəbəkəsi - "Çağ Öğretim"adı altında yaradılıb.
Beş il öncə, Türkiyədə F.Gülənə qarşı təqiblər başladıqdan sonra Azərbaycanda bu təhsil müəssisələrində problemlər yaranıb.
2016-cı ilin iyulunda Türkiyədə dövlət çevrilişinə cəhd baş tutmadıqdan sonra (hakimiyyət bu cəhddə Güləni ittiham edirdi) Azərbaycanda onun adı ilə bağlı qurumların fəaliyyəti dayandırıldı.
Beləliklə də Türkiyənin "Zaman" qəzeti öz fəaliyyətini dayandırdı, "Qafqaz" Universiteti özünü buraxdı, indi də "İstək" lirseylər şəbəkəsi bağlanır. Bu tədris müəssisələri və "Qafqaz" Universitetti vaxtilə Azərbaycanda ən yaxşı tədris müəssisələri hesab olunurdu.
Son illər "İstək" litseyləri Bakı, Quba, Sumqayıt, Ağdaş, Lənkəran, Gəncə və Şəkidə fəaliyyət göstərirdi.06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz