![Trial of Armenian militants in Baku](https://turan.az/resized/media/2021/main/070100035058-750-500-resize.webp)
Trial of Armenian militants in Baku
Qanun erməni vəkillərinə Bakıya yolu bağlayır
Bakı/01.07.21/Turan: Ermənistan Vəkillər Palatası vəkillərini Azərbaycanda keçirilən erməni silahlıların məhkəməsinə göndərmək niyyətindədir.
Erməni KİV-lərin məlumatına görə, vəkillər Azərbaycana gedib məhkəməsi keçirilən ölkə vətəndaşlarına hüquqi yardım göstərməyə, həmçinin mümkün olan pozuntuları aşkarlamaq və əsaslandırmaq istəyirlər.
Bunun üçün onlar Azərbaycan Vəkillər Kollegiyasına müraciət edəcəklər. «Vəkillər narahatdır ki, Azərbaycan tərəfi erməni əsirlərə erməni vəkilləri tərəfindən hüquqi yardımın göstərilməsinə maneçilik törədəcək. Vəkillər Palatası erməni vəkillərinin Azərbaycana gəlməsini, onların təhlükəsizliyini təmin etməsini və Ermənistan vətəndaşlarına hüquqi yardımın göstərilməsini təmin edilməsi üçün Ermənistanın və Azərbaycanın aidiyyatlı qurumlarına, Azərbaycan Vəkillər Kollegiyasına və beynəlxaq qurumlarına müraciət edəcək».
Erməni vəkillərin Azərbaycanda terror-təxribat və digər cinayət əməlləri törədilməsində ittiham olunan bir qrup Ermənistan vətəndaşların məhkəmə proseslərində iştirakı mümkündür?
Vəkillər Kollegiyasının sədri Anar Bağırov Turana bildirib ki, quruma belə bir müraciət daxil olmamışdı. «Açıq-aşkar görünən odur ki, bu, populizmdir. Vəkillər və hüquqşünaslar hər hansı fikir bildirməzdən öncə qanunvericiliyini araşdırırlar. Sizi əmin edirəm ki, Ermənistan Vəkillər Palatası, orada o cür bəyanatlar səsləndirilən şəxslər gözəl bilir ki, Azərbaycanın «Vəkillər və vəkillik fəaliyyəti haqqında» Qanuna görə Azərbaycan Respublikası ərazisində əcnəbi vəkillər yalnız Azərbaycan Respublikasının tərəfdar çıxdığı beynəlxalq müqavilələrə müvafiq olaraq qarşılıq münasibətlər əsasında işlərin baxılmasına buraxılır. Ermənistanla isə bizim belə bir müqaviləmiz yoxdu, ümumiyətlə diplomatik münasibətlər də yoxdur».
Qurumun sədri qeyd edib ki, belə bir müqavilə olsa belə, beynəlxalq hüquq normalar üzrə əcnəbi ölkənin vəkilləri yalnız məsləhət verə bilər. «Onlar məhkəmədə heç kimi müdafiə edə bilməzlər. Heç bir ölkənin vəkili bunu edə bilməz, bu mümkün deyil. Erməni vəkilləri bunu bilə-bilə belə bir fikir səsləndirməklə nə demək istəyirlər? Aydın məsələdir ki, bu ucuz populizmdir. Desəydilər ki, biz kosmosa uçmağa hazırlaşırıq, o daha inandırıcı görünərdi nəyinki bu cür bəyanatlar».
Bağırov vurğulayıb ki, Azərbaycan vəkilləri bütün işlər üzrə dinindən, millətindən, dilindən asılı olmayaraq hər kəsə yüksək keyfiyyətli hüquqi yardım göstərir və göstərəcək. «Azərbaycanda heç kəsin vəkillə müqavilə bağlamaqla bağlı, dövlət hesabına hüquqi yardımın təmin edilməsi ilə bağlı problemi yoxdur. Erməni diversantların məhkəməsində Azərbaycan vəkilləri iştirak edir və orda layiqincə öz peşə borcunu yerinə yetirərirlər».
Hüquqşünas Ələsgər Məmmədli isə bildirib ki, Azərbaycanda vəkillik fəaliyyəti yalnız Azərbaycan Vəkillər Kollegiyasının üzvü olan vəkillərə şamil olunur. «Vəkillər və vəkillik fəaliyyəti haqqında Qanunun 4-cü maddəsi bunun çərçivəni müəyyən edir. Vəkillər Kollegiyasının üzvü olmayanlar məhkəmə prosesində birbaşa hər hansı şəxsi müdafiə edə bilməz. Şəxsin müdafiə hüququ var, amma o, müdafiəçini Azərbaycan vəkillərin arasından seçməlidir».
Ekspert istisna olduğunu da qeyd edib. «İstisna kimi kənar vəkil prosesdə iştirak edə bilər, amma əsas müdafiə Azərbaycan vəkili olduğu halda. Yəni, şəxs öz istəyi ilə əlavə olaraq onu təmsil edən, ona hüquqi yardım göstərmək istəyən şəxsi dəvət edə bilər. Amma həmin şəxs prosesdə müdafiə tərəfi kimi görünə bilməz».-0—
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz