Qar yağması ilə əlaqədar Bakının bələdiyyə strukturları gücləndirilmiş iş rejimində fəaliyyət göstərir

Bu gün gecə saatlarından Bakı Şəhər İcra Hakimiyyətinin kommunal strukturları və müvafiq idarələr xüsusi gücləndirilmiş iş rejimində fəaliyyət göstəriblər.

Bakı Şəhər İcra Hakimiyyətindən verilən məlumata görə, güclü qar yağmamasına baxmayaraq, xidmət əməkdaşları səhər saatlarına qədər yüksək təşkilatçılıq və nizam-intizam nümayiş etdirərək küçələrdə, prospektlərdə və piyada səkilərində, həmçinin avtobus dayanacaqlarının və metro stansiyalarının qarşısında qardan təmizləmə işləri aparıblar. Şaxtalı havalarda xüsusi təyinatlı texnikadan istifadə edərək qar təmizləndi və yollara duz səpildi. Səhər saat 05: 00-dan etibarən iş daha intensiv aparıldı. Bütün gecə şəhər və rayon İcra Hakimiyyətinin rəhbər nümayəndələri ərazidə olmuş və görülən işlərə nəzarət etmişlər.

Mərkəzdən əlavə, şəhərətrafı qəsəbələrdə və yaşayış massivlərində təmizlik işləri aparılır.