Azərbaycan Milli Demokrat Partiyası Bakıda təsis konfransı keçirib
Yanvarın 13-də Bakıda Azərbaycan Milli Demokrat Partiyasının (AMDP) təsis konfransı keçirilib. Qeyri-rəsmi olaraq onu "Boz Qurd" adlandırırlar. Tədbirdə 54 nəfər iştirak edib. AMDP partiyanın qurultayına hazırlığı elan edib, qurultayda sədr seçiləcək, partiyaçılar bildiriblər. İndiyə qədər AMDP-yə sədr Tufan Kərim rəhbərlik edib. Təsis konfransına da o sədrlik edib.
Konfransda məqsəd 2023-cü il tarixli "Siyasi partiyalar haqqında" yeni qanuna əsasən partiyanın qeydiyyatı üçün sənədlərin Ədliyyə Nazirliyinə təqdim edilməsindən ötrü AMDP -nin mövcudluğunu qeydə almaqdır.
Eyniadlı partiya 1993-cü ildə Azərbaycanda o vaxtkı daxili işlər naziri İsgəndər Həmidov tərəfindən yaradılmışdı. Azərbaycan "boz qurdları"nın üzvləri Birinci Qarabağ Müharibəsi illərində fəal döyüşüblər. Hazırda AMDP özünü İsgəndər Həmidovun partiyasının ideyasının davamçısı hesab edir.
Konfrans iştirakçıları deyiblər ki, partiya bir gün olsun belə fəallığını dayandırmayıb və prinsiplərini dəyişməyib. Ancaq milli- demokratlar seçkilərdə iştirak etməyiblər və kütləvi aksiyalar keçirməyiblər. Xalq Cəbhəsi hökumətinin dağılması, İsgəndər Həmidovun həbsi və mühakimə edilməsilə onun partiyası faktiki olaraq fəaliyyətini dayandırıb.
Azərbaycanlı "boz qurdlar" özlərini Türkiyə Milliyətçi Hərəkat Partiyasının (MHP) həmfikirləri hesab edirlər. Türkiyədə də "Boz qurd" adı rəsmi deyil. Bu təşkilatın rəsmi adı idealistlərdir. 1960-cı illərin sonlarında polkovnik Alparslan Türkeşin təşəbbüsü ilə Milliyyətçi Hərəkat Partiyasının (MHP) himayəsi altında milliyyətçi gənclik təşkilatı kimi yaradılıb. Onun siyasi idealı bütün türk ölkələri və xalqlarının konfederasiyasının yaradılması, həmçinin öz dövlətinin türk xarakterinin qorunmasıdır. 2018-ci ilin martında keçirilən mitinqdə çıxış edən Rəcəp Ərdogan "boz qurdlar"ın jestini (çeçələ barmağın irəli uzadılması və iki orta barmağın baş barmaqla uc-uca gəlməsi) nümayiş etdirib.
-
- Siyasət
- 14 Yanvar 2024 15:15
Siyasət
-
Azərbaycan Respublikasının Baş Prokurorluğu, Daxili İşlər Nazirliyi və Minatəmizləmə Agentliyinin (ANAMA) Mətbuat xidməti məlumat verir ki, cari il aprel ayının 28-də Naxçıvan Muxtar Respublikasının Sədərək rayonunun Qaraağac kəndi ərazisində Ermənistan tərəfindən vaxtilə atılmış hərbi sursatın partlaması nəticəsində 1951-ci il təvəllüdlü Rzayev Vilayət Həsən oğlu və 1970-ci il təvəllüdlü Əliyev Adəm Həsən oğlu həlak olub.
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
Rəy yaz