�Qarabağ� Çempionlar Liqasından çıxdı
Bakı/14.08.19/Turan: Çərşənbə axşamı Bakıda Kiprin APOEL komandasına 0:2 hesabı ilə məğlub olan "Qarabağ" futbol klubu iki görüşün nəticələrinə əsasən Çempionlar Liqasından çıxıb. Lakin Avropa kuboklarının reqlamentinə görə, Azərbaycan komandası Avropa Liqasının pley-off raundunda oynamaq hüququ qazanıb.
Xatırladaq ki, avqustun 6-da Çempionlar Liqasının üçüncü təsnifat raundunda Nikosiyada "Qarabağ" 2:1 hesabı ilə qalib gəlmişdi.
Təəssüf ki, "Qarabağ" üstünlüyü Bakıda itirdi.
Matç "Qarabağ"ın hücumu ilə başlasa da, birinci taymın ortalarında qonaqlar oyunu bərabərləşdiriblər. 34-cü dəqiqədə "Qarabağ"ın kapitanı Rəşad Sadıqov xüsusi zərurət olmadan APOEL-in oyunçusunu öz cərimə meydançasında vurub. Qonaqların kapitanı Tomas De Vinsenti 11 metrlik zərbəni səhvsiz yerinə yetirib.
Sonradan "Qarabağ" təşəbbüsü ələ alaraq bir neçə qol məqamı yaradıb. Lakin meydança sahiblərinin bir neçə zərbəsi dəqiq olmayıb, birində isə Riçard Almeydanın zərbəsindən sonra top ştanqaya dəyib.
Amma qonaqlar 68-ci dəqiqədə yaranmış qol məqamlarından birini də qaçırmayıblar. "Qarabağ" oyunçularının səhvindən sonra topa sahiblənən Uroş Matiç uzaq məsafədən onu qapıya vurub.
Oyun 0:2 hesabı ilə başa çatıb.
İki oyunun nəticələrinə görə, Çempionlar Liqasının pley-off raunduna APOEL keçib.
"Qarabağ" ciddi məğlubiyyətə uğrayıb və komanda bunda ancaq özünü günahlandırmalıdır.
Belə ki, əvvəlkitək müdafiədə çox səhv var. Rəşad Sadıqov artıq müdafiəçi vəzifəsinin öhdəsindən gələ bilmir. Onun uğursuzuğu paralel olaraq oyuna və tərəfdaşlarına sirayət edir.
Riçard Almeyda da yorulub. O, çox çalışır, amma artıq dispetçer funksiyasını yerinə yetirə bilər.
Mahir Əmrəlinin hücumları yetərli deyil. Komandaya qol vurmağı bacaran daha bir hücumçu lazımdır.
Təsəlli kimi yarışların reqlamenti ilə "Qarabağ"a verilmiş Avropa Liqasının pley-off mərhələsində oynamaq imkanları qalır. Komandanın rəqibi "Linfild" (Şimali İrlandiya) - "Sutyeska" (Çernoqoriya") oyununun qalibi olacaq. İlk matçda "Linfild" qonaqların meydanında 2:1 hesabı ilə qalib gəlib.
Avropa Liqasının pley-off raundunun matçları avqustun 22 və 29-da olacaq.
Avropa Liqasında Bakının "Neftçi" komandası da mübarizəni davam etdirəcək. Avqustun 8-də öz meydançasında ilk oyunda İsrailin "Bney Yehuda" komandası ilə heç-heçə (2:2) oynayıb.
Cavab matçı avqustun 15-də olacaq.-06D--
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz