Qarabağ müharibəsi veteranları dekabrın 28-də Bakının mərkəzində etiraz aksiyası keçirəcəklər
Bu gün bir qrup Qarabağ müharibəsi veteranı 5 saylı xəstəxananın qarşısında toplaşıb. Belə ki, ötən gün Qarabağ müharibəsi əlili Zaur Həsənov özünü yandırdıqdan sonra həmin xəstəxanaya yerləşdirilib.
Onlar Bibiheybət qəsəbəsindəki kafesinin əlindən alınmasına etiraz olaraq bu addımı atan Z.Həsənovla həmrəylik nümayiş etdiriblər.
Aksiya iştirakçılarından biri, AXCP müşaviri Asif Yusifli bildirib ki, veteranların Z.Həsənovla görüşünə icazə verilməyib. Onun vəziyyəti ağır olaraq qalır.
Xəstəxananın həkimləri Z.Həsənovun durumunun kritik olduğunu bildiriblər.
A.Yusifli Facebook-da “Veteranları yandırmayın!” qrupunu yaradıb. Bu qrup vasitəsilə elan edilib ki, dekabrın 28-də saat 15:00-da Fəvvarələr Meydanında Z.Həsənovun hüquqlarının pozulmasına etiraz olaraq aksiya keçiriləcək.
Aksiya iştirakçıları AHİK rəhbəri, deputat Səttar Mehbalıyevin üzr istəməsini, əlilə qarşı ədalətsizliyin aradan qaldırılmasını və onun mülkiyyətinin bərpasını tələb edəcəklər.
Bakı Şəhər Baş Polis İdarəsindən bildirilib ki, icazəsiz aksiyaya cəhdin qarşısı alınacaq.--16D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz