«Qarabağ» və «Qəbələ»yə zəif rəqiblər düşüb

Püşkatma mərasimi Avropa Liqasınının pley-off-una düşən Azərbaycan futbol komandaları üçün uğurlu olub. Onlara çox da güclə rəqiblər düşməyib.

Belə ki, Ağdamın “Qarabağ” komandasının rəqibi İsveçin “Geteborq” komandası olacaq.

Qarabağlıların potensial rəqibləri arasında məşhur Balkan klubları “Tsrvena zvezda” (Serbiya), “Hayduk” (Xorvatiya), “Şkendiya” (Makedoniya) və “İstanbul Başakşehir” var idi.

“Qəbələ” isə Sloveniyanın “Maribor” komandası ilə görüşəcək. Məşhur “Anderleht” (Belçika), “Vest Hem” (İngiltərə), “Krasnodar” (Rusiya), “Fenerbahçe” (Türkiyə) və Panatinaikos (Yunanıstan) da klubun rəqibi ola bilərdi.

Maçlar 18-25 avqust tarixlərində keçiriləcək. Azərbaycan komandaları ilk maçları rəqib meydançasında oynayacaqlar.

Xatırladaq ki, “Qəbələ” Fransanın “Lill” komandasını keçərək (1:0, 1:1) pley-offa düşüb.

“Qarabağ” Çempionlar Liqasının üçüncü mərhələsində Çexiyanın “Viktoriya” komandasını keçə bilmədikdən sonra Avropa kubokları reqlamentinə əsasən Avropa Liqasının pley-offunda oynamaq hüququ qazanıb.

Xatırladaq ki, 2015/2016 mövsümündə “Qəbələ” də, “Qarabağ” da Avropa Liqasının qrup mərhələsinə düşmüşdü. -06D-